Popular Bible Verses from Tuima 1

Share

Alege ni le nya pagrim ase Wen Chiika a nin jam ni jigi, ate nama ale chim m seerɔba Jerusalem ale Judia ale Samaria tɛŋsaŋa po ale tɛŋzuk de meena kpeglimka jigi.>>

Wa yaa tulisi ba ayen, <<Ku daa nama wari ayen ni seba diipo ate Kowa a lueri ale wadek pagrim la.

Wa ale jam boro ale ba la, Yeezu yaa weeni ba ayen, <<Ni kan ŋman basi Jerusalem tɛŋka. Alege ni limisi m Kowa pumpuulimaŋa ŋaai ate wa weeni ayen, <Nama dek abe wom a nyini m jigi kama.> Jɔɔn a te ni soka ale ka nyiam, alege ku kan beni ate Wen pai wa Chiika ase soka la a sueri ni suiniimaŋa.>>

Wa ale kpi la, ŋaaŋnyiŋ ku ale jam paari daa pisinaansi la, wa yaa pai wadek a sak ba ate ku paari dii choa ayen ku sak ayen wa vua kama. Wa yaa sak ba Wen naamu wie.

Yeezu ale biisi a nueri la, Wen yaa pai wa a ta jueli wenŋmazuk. Ba yaa za a nya wa ale a jueli la, ate chiŋmari a jam lik wa ta jueli ate ba an ŋman nya wa.

Ba ale za a nya la, nuruba baye a deri jam a za ba niŋ. Ba jam jo ka garuk peeta, a yaa weeni ba ayen, <<Nama Galili demma, ka boa ate ni za zak a nya wenŋmazuwa? Yeezuwa de ate ni nya ale wa jueli wenŋmazuk dii la, wa le ŋman pilim jam ka dila dekdega ase ni le nya wa dii ale wa jueli wenŋmazuk la.>>