Popular Bible Verses from Marako 6

Share

Jama n dɛɛ ti, ba nya má anyuŋkoro bo bu di diire. Nyini ti, na Yesu ase bu ka, “Am ma ya kɔ deke bo minɛm wo má, na am kɔ yi am ŋumi.”

Na Yesu ase bu ka, “Deke kɛrɛ bu ma Nyɛmɛ nɔaniɛ kan­fɔ jirima, má ka i bɔsu­fɔm ni i lamɔkɔm ni i gisan­nu­fɔm dɔ ŋgumi.”

Saŋga bo Yesu fiteeri lee n nu ni, na wɔ ŋu jama beberebe, na wɔ si bu aŋunfɔ, dama bu ti ka nbɔɛm bo bu la má sasa­fɔ ɔ, na wɔ kere bu dekem beberebe.

Nyini ti, wɔ koro ayo má alekutura sa be i bɔsu dɔ se i faari i saa nanaari tukpaki­fɔ nbem ŋu wɔ, na ba nya laifiɛ. Na wɔ yo i awarabo kabo i bɔsu­fɔm n ayo má i yarada ni. Na Yesu abara ayɛ ahɛmɛ miɛm n kɛrɛ su, na i sukere minɛm.

Na wɔ fa kpɔnɔ nnu ni, ni jombaa nnyɔ ni, na wɔ yɛ i tii su aŋgoro, na wɔ da Nyɛmɛ asi. Na wɔ kpiɛkpiɛ kpɔnɔ nnu n nu, na wɔ fa ama i susu­fɔm n ka bu fa ma minɛm ni, na wɔ fa jombaa nnyɔ n gusu akpaaki bu kɛrɛ nu. Na bu kɛrɛ adi na bu kunnu ayi. Na ba tambu kpɔnɔ, ni jombaa sinsin bo bu diiri na i kaanri ni, na ba nya kandiɛ buru ni nnyɔ.