Popular Bible Verses from Maqkuv 10

Share

Aqjeq mirnae aernar-aq, Tsawrhaq-euq Zaqyo-aq, aqcawq, aqyawf-euq gharduq kuirlaf bigeuf-eu laer oe-euq maqngeur-aer, aqcawq-euq kuirlaf geuf-awr, tsawrhaq ghawqmya ni-euq gharduq aqyawf-euq daefzir bif-awr zeurkhof-eu laer oe-euq mae.”

Yeqsur, aqyawf maf-anr haw-awr aernaeq-eu, “Tsawrhaq maq janrnya-eu khawf, Miqyaer maq janrnya-eu maqngeur-a. Aqjeq mirnae aernar-aq, Miqyaer-aq, yawqjeq navluf janrnya-eu mae.”

Khoerngae, Yeqsur, aqyawf-anr aernaeq-eu, “Nawr ghof-ir-awq, nawr jan-eu jeq, nawq-anr bi taqler-euq mae.” Myavbaef khoerghaq tiqpov taef-aer mawrnya lar-awr, garma tiqcawq Yeqsur-euq maeqnan cantae ghae-euq mae.

Khoermirnae, Miqyaer nae yurgawf-euq gar tsawrhaqzaq tiqghaq-iq maq lavghawq khmq-a.”

Khoerngae, Yeqsur, aqyawf-anr haw-awr, aqyawf-anr gaq-eu lafkhoer aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae-awr, irshaqzaq-anr birnaeq-awq, mq-euq khoertav nawq-euq pyurshuir myawqganq javlar taef-a. Khoernar-aq, lafyaq baf-awr ngaq-euq maeqnan cantae lar-awq.”

Yeqsur, aqyawf-anr narhaq-eu, “Ngaq nae nawq-anr aqjeq bi janrnaeq mawf-eu nya?” Khoerngae, myavbaef khoerghaq, aqyawf-anr aernaeq-eu, “Ngaq-euq Laqbornir-or! Ngar mawrnyalar mawf mir-a.”

Aerkhawf, nawmaf-euq lafkhoer-aq, khoerlof-aer taqbi pyeuf. Nawmaf-euq lafkhoer huiqmawf manrmawf-eu aqgeu ghaq maqkaq, nawmaf-euq kuirlaf zaqkhav yageuf-eu mae.

Ngar, nawmaf-anr aqdirma-aer aernaeq nyar, zaq yawnyir tiq ghaq lof-aer Miqyaer uvlanr-eu jeq-anr maq hageuf-eu aqsur ghaq maqkaq, Miqyaer uvlanr-eu jeq-anr tiqjeq ghaenae-iq maqya urler-ar.”

Aerkhawf, aqcawq-euq maeqhu jawr-eu tsawrhaq ghawqmya’ni, aqcawq-euq maeqnan yajawr taef-a. Aqcawq-euq maeqnan jawr-eu tsawrhaq ghawqmya’ni, aqcawq-euq maeqhu yajawr taef-a.”

Aerkhawf, mqbae mirbae bae ngae, Miqyaer-aq, ‘Zaqyo aqli hawr-eu zaqmiq aqbur laer bae-euq mae. Khoermirnae, zaqyo aqli-aq, yawqha-euq aqma aqda-anr yaghawq-ir-awr, yawqha-euq miqzaq naeq-aer yagawf-ir-eu mae. Khoernar-aq, nyiq ghaq khawf tiq ghaq taef-aer pyeuflar taef-a.’ Tox-aer mar-iq, aqnyaf dzerzaq-aq, nyiq ghaq maqpar ngeur-aer, tiq ghaq taef-aer pyeuflar-euq mae.