Popular Bible Verses from Yorhaq 4

Share

Miqyaer-aq, Saflar mae. Khoermirnae, aqyawf-anr uqduq khartanq-eu tsawrhaq, saflar-euq lafkhoer hawr-eu yawtsaq yawdawr-euq lafkhoer uqduq yatanq-eu mae.”

Aqda-anr aqdirma-aer uqduq tanq-eu tsawrhaq-aq, saflar-euq lafkhoer hawr-eu yawtsaq yawdawr-euq lafkhoer uqduq tanq-eu aryamq keuvle luf-eu mae. Nymq-mr keuvle taq-euq mae. Aqjeq mirnae aernar-aq, Aqda-aq, aqyawf-anr khoerlof-aer uqduq tanq-eu tsawrhaq-anr povluf-eu mae.

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Yeqsur, aqyawf maf-anr heulof-aer aernaeq-euq mae, “Ngaq-anr khaerghae lef-euq ghaq-euq nuima tsaqni mr-awr, aqyawf-euq gar mrluiv-eu heu-aq, ngaq-euq dzaqdzaq dawrdawr ma.

Khoerngae, zaqmiq aqbur khoerghaq heulof-aer aer-eu mae: “Saqlaq-or! Nawr ircuf khawf-eu keuka maqanr-eu uqtaf, landuq heuduq yawnaf mae. Nawr, daef-eu jeq bif-eu ircuf aqgeugar nae khawflaq-ir-eu?

Zaqmiq aqbur khoerghaq, aqyawf-anr aernaeq-eu, “Kali laer kur-eu Meqsirya oeluf mae laer, ngar siqnya ma. Aqyawf oe ngae, nga’maf-anr yawqjeq navluf aernaeqlaf taef-a.” Yeqsur, aqyawf-anr aernaeq-eu, “Nawq naeq-aer dawq ngaeqcawq luf-eu ngar-aq, Meqsirya ma.”

“Nawmaf hawle sher-eq. Tsawrhaq tiq ghaq, ngaq nae khar mrdzeur yaf-euq yawqjeq navluf ngaq-anr ja’maeq naeqlaf-euq mae. Aqyawf-aq, Kali ngeur-eu law maqsiq ngar-a?”