Popular Bible Verses from Yorhaq 1

Share

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Ardanqbae ngae nae Dawq jawrluf-eu mae. Dawq khoer-aq, Miqyaer naeq-aer jawr-awr, Dawq khoer-aq, Miqyaer mae.

Yawshaef khoer yawzanr-euq lafkhoer byaluf-eu mae. Yawzanr-aq, yawshaef-anr maq ghaqler-a.

Dawq khoer-aq, shiqshaq pi-awr aqdui naeq-aer jawrle-euq mae. Aqyawf-euq yawshaef khanqsaer-anr aqdui ya’mawr-euq ma. Yawshaef khanqsaer khoer-aq, Aqda-euq Zaqyo tiq ghaq taef-euq yawshaef khanqsaer mae. Zaqyo heughaq-aq, guiqlanq yawdzanr hawr-eu yawtsaq yawdawr jeq byan-eu mae.

Yawqjeq navluf, aqyawf-anr ghoe-awr baetaq-euq mae. Khar baetaq-euq yawqjeq navluf-euq lafkhoer, aqyawf-anr maqghoeni baetaq-euq tiqjeq-iq maqjav-a. Aqyawf-euq lafkhoer daef-eu jeq anr-eu mae. Daef-eu jeq khoer-aq, tsawrhaq-euq yawshaef mae.

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

Aqyawf, mirtsaq-euq khoertav jawr-eu mae. Mirtsaq heusiq aqyawf-anr ghoe-awr baetaq-euq khawf mirtsaqzaq, aqyawf-anr maq siqnya-a. Aqyawf, aqyawf nae baetaq-euq mirtsaq-anr oe-euq khawf, aqyawf-euq tsawrhaq deuq, aqyawf-anr maq hageuf-a.

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.