Popular Bible Verses from Iovani 21

Share

I oti era i te kai, he ꞌui e Ietū ki a Pētero: —E Tīmona, e te poki ꞌa ⌊Iovani⌋ ē, ¿i hau rō atu tuꞌu haŋa mai ki a au ki te nuꞌu nei? He pāhono e Pētero: —Ko ꞌite ꞌana koe, e Ietū ē, e haŋa rō atu ꞌana a au. He kī ia e Ietū: —E hāpaꞌo koe i tāꞌaku māmoe. He ꞌui haka ꞌou e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He pāhono e Pētero: —Ko ꞌite ꞌā e koe, e Ietū ē, e haŋa rō atu ꞌana a au. He kī e Ietū: —E hāpaꞌo koe i tāꞌaku māmoe. He ꞌui haka ꞌou ia e Ietū

ꞌĪ a au he kī atu: ꞌi te hora ōꞌou e ꞌāpī nō ꞌā, ꞌāꞌau ꞌā te here i tuꞌu pena ꞌe te oho ki te kona nō era ꞌāꞌau i haŋa. ꞌE, ka korohuꞌa ena, he haka toro i tuꞌu rima, he here-here atu ꞌe he maꞌu i a koe ki te kona ꞌina e ko haŋa e koe mo oho.

He kī e Ietū: —Ka haka topa te kūpeŋa a te pāꞌiŋa mataꞌu o te vaka, he ravaꞌa ika kōrua. Pē ira i aŋa ai, ꞌe i haro mai era ꞌina he ŋaeꞌi te kūpeŋa ꞌi te rahi o te ika.

I oho era he kī e Pētero: —ꞌĪ a au he oho he hoa i tāꞌaku kūpeŋa. He pāhono e tū nuꞌu era: —He oho takoꞌa atu a mātou. He eke-eke ia ananake ki ruŋa i te vaka he eꞌa he oho, ꞌe ꞌina e tahi meꞌe i ravaꞌa ꞌi rā pō.