Popular Bible Verses from Маттэ 9

Share

ЕтӀанэ игъогу рыкӀохэрэм ариӀуагъ: – Лэжьыгъэр бэ, ау лэжьакӀохэр макӀэх. Арышъ, лэжьыгъэр къахыжьыным пае, лэжьакӀохэр къыгъэкӀонхэу лэжьыгъэр зыем шъуелъэӀу.

ШъукӀуи, мы гущыӀэхэу Тхьэм къыӀуагъэхэм къарыкӀырэр къызэжъугъашӀ: «Къурмэныр арэп сызыфаер, гукӀэгъур ары нахь». Сыда пӀомэ, шъыпкъагъэ зиӀэ цӀыфхэм сяджэнэу арэп сыкъызфэкӀуагъэр, псэкӀодышӀэхэр япсэкӀодшӀагъэхэм афыкӀэгъожьынхэм пае, сяджэнэу ары нахь.

Мэлахъо зимыӀэ мэл Ӏэхъогъум фэдэу улэугъэхэу, заухъумэжьын амылъэкӀэу цӀыф купышхохэр зелъэгъум, Исус ыгу ягъугъ.

Ау Исус ар зызэхехым, къыӀуагъ: – Псаухэр арэп Ӏазэ зищыкӀагъэхэр, сымаджэхэр ары нахь.

Исус зэкӀэ къалэхэри, къуаджэхэри къыкӀухьэщтыгъ. Синэгогухэм цӀыфхэм Тхьэм игущыӀэхэр щаригъашӀэщтыгъ, Тхьэм и Тетыгъошхо ехьылӀэгъэ къэбарышӀури аригъэӀущтыгъ, хэтрэ сымаджи гъойщаий ыгъэхъужьыщтыгъ.