Popular Bible Verses from Лука 5

Share

ЦӀыфхэм Тхьэм игущыӀэхэр зарегъашӀэхэ ужым, Исус Симон риӀуагъ: – КуупӀэм хахьи, пцэжъые къэшъуубытыным пае, шъуихъытыухэр хэшъудзэх.

– Тхьэматэ, чэщ реным бэрэ тыулэугъ, ау зи къэтыубытыгъэп, – къыӀожьыгъ Симон. – Ау о зэрэпӀорэм тетэу, джыри зэ хъытыухэр хэсыдзэщтых. Хъытыухэр зыхадзэхэм, пцэжъыябэ къаубытыгъэти, яхъытыухэр зэготхъыхэу аублагъ.

Ау Исус цӀыфмэ ахэкӀызэ, Ӏудзыгъэ чӀыпӀэхэм Тхьэм щелъэӀуным пае, кӀоныр ихэбзагъ.

– Шъыпкъагъэ зиӀэ цӀыфхэм сяджэнэу арэп сыкъызфэкӀуагъэр, псэкӀодышӀэхэр япсэкӀодшӀагъэхэм афыкӀэгъожьынхэм пае сяджэнэу ары нахь.

Симон Петрэ ар зелъэгъум, Исус ылъакъохэм адэжь зыщыридзыхи, ыӀуагъ: – Сэ збгъодэкӀ, Зиусхьан! Сэ сыпсэкӀодышӀэ цӀыф.

– Псаухэр арэп Ӏазэ зищыкӀагъэхэр, сымаджэхэр ары нахь, – ариӀожьыгъ Исус.

ЕтӀанэ ахэмэ якъуашъохэр псым къыхалъэшъужьхи, зэпстэури къагъани, Исус ыуж ихьагъэх.

Исус къалэ горэм щыӀэу, шъоджэ уз Ӏаем зэлъиубытыгъэ лӀы горэ къэкӀуагъ. Ащ Исус зэрилъэгъугъэм тетэу, чӀыгум бгъэгукӀэ зыридзыхи, елъэӀугъ: – Тхьэматэ, уфаемэ, сыбгъэхъужьын плъэкӀыщт. Исус ыӀэ ыщэий, тырилъхьи, къыӀуагъ: – Сыфай, псаоу хъужь! Ардэдэм шъоджэ узыр а лӀым хэкӀыжьыгъ.

Ау Исус икъэбар ыпэм нахьи нахьыбэу цӀыфмэ ахэхьагъэ хъугъэ. Аущтэу цӀыф купышхохэр Исус къыӀохэрэм къядэӀунхэу, яузхэри рагъэгъэхъужьынхэу ыдэжь къакӀохэу хъугъэ.