Popular Bible Verses from Иуан 21

Share

Зэшхэхэм ыуж, Исус Симон Петрэ еупчӀыгъ: – Иуан ыкъо Симон, мыхэм сызэралъэгъурэм нахьи нахь шӀу сыолъэгъуа? – Ары, Зиусхьан, – къыриӀожьыгъ Петрэ. – ШӀу узэрэслъэгъурэр о ошӀэ. – Сэ сишъынэхэр гъэхъух, – риӀуагъ Исус. – Иуан ыкъо Симон, шӀу сыолъэгъуа? – еупчӀыгъ ятӀонэрэу Исус Петрэ. – Ары, Зиусхьан, – къыриӀожьыгъ Петрэ. – ШӀу узэрэслъэгъурэр о ошӀэ. – Сэ симэлхэм Ӏахъо афэхъу, – риӀуагъ Исус. – Иуан ыкъо Симон, шӀу сыолъэгъуа? – еупчӀыгъ ящэнэрэу Исус Петрэ. «ШӀу сыолъэгъуа?» ыӀуи, ящэнэрэу Исус зэреупчӀыгъэм пае, Петрэ ыгу къеуи, къыриӀожьыгъ: – Зиусхьан, зэкӀэри о ошӀэ, шӀу узэрэслъэгъурэри ошӀэ. – Симэлхэр гъэхъух, – риӀуагъ Исус.

– Шъыпкъэ дэдэр осэӀо, уикӀэлэгъум ор-орэу убг бгырыпх иплъхьэти, узыфаем укӀощтыгъ. Ау жъы узыхъукӀэ, о пӀэхэр фэпщэйхэзэ, нэмыкӀ горэм бгырыпхыр убг къырилъхьанышъ, уздэкӀонэу узыфэмыем уищэщт.

– Къуашъом иджабгъу лъэныкъокӀэ хъытыур хэшъудзи, къэшъуубытыщт, – ариӀуагъ Исус. Ар къызеӀом, хъытыур хадзи, пцэжъыябэ хъытыум къызэрихьагъэм пае, хъытыур къыхахыжьын алъэкӀыгъэп.

– Пцэжъыяшэ сыкӀощт, – ариӀуагъ Симон Петрэ адрэхэм. – Тэри тыкъыбдэкӀощт, – къыраӀожьыгъ ахэмэ. ЕтӀанэ ежьэхи, къуашъом итӀысхьэхи, кӀуагъэх. А чэщым зи къаубытыгъэп.