Popular Bible Verses from Иуан 15

Share

– Сэнэшъхьэ къулэр сэры, къутамэхэри шъоры. ЦӀыф горэм ыгу сэ силъ зэпытэу, ежьыри сыгу илъ зэпытмэ, а цӀыфым бэу шӀугъэ къыпыкӀыщт; сыда пӀомэ, сэ сышъуимыгъусэмэ, зи шъушӀэн шъулъэкӀыщтэп.

Сэ шъугухэм сарыжъугъэлъ зэпыт, шъори сыгу шъуилъ зэпытыщт. Къутамэр сэнэшъхьэ къулэм пымытмэ, зи къызэрэпымыкӀэшъущтым фэдэу, шъори шъугухэм сарышъумыгъэлъ зэпытмэ, шӀугъэ къышъупыкӀыщтэп.

Шъо шъугухэм сарылъ зэпытэу, сигущыӀэхэри шъугухэм арылъ зэпытхэмэ, сыдми шъузыфаемкӀэ ся Тэ шъуелъэӀу, ащыгъум шъузэрелъэӀурэри шъуиӀэ хъущт.

Шъо сэ сыкъыхэшъухыгъэп, ау шъо шъукъыхэсхыгъ. Шъо шъукӀонышъ, шӀугъэ къышъупыкӀынышъ, а шӀугъэри къэнэжьынэу згъэнэфагъэ. Джащыгъум сэ сцӀэкӀэ сыд щыщкӀи Ты лъапӀэм шъуелъэӀумэ, къышъуфишӀэщт.

ЦӀыфэу ежь иныбджэгъухэм апае зыпсэ зытырэм ишӀулъэгъуныгъэ нахь шӀулъэгъуныгъэшхо щыӀэп.

Сикъутамэхэм ащыщэу зи къызпымыкӀэрэр пеупкӀы. Сыдрэ къутамэуи къызпыкӀэрэр еукъэбзы, нахьыбэ къыпыкӀэным пае.

Мыры сиунашъо: Сэ шӀу шъузэрэслъэгъугъэм фэдэу, шъори шӀу шъузэрэлъэгъун фае.

ЦӀыфмэ сэ ся Тэ щытхъушхо зэрэфяжъугъэшӀыщтыр шъо бэу шӀугъэ къызэрэшъупыкӀырэр ары. Аущтэу сигъогу шъузэрэрыкӀорэр къэжъугъэлъэгъощт.

– Сэнэшъхьэ къулэ шъыпкъэр сэры, сэнэшъхьэшӀэри ся Т ары.

ЦӀыф горэм ыгу симылъ зэпытмэ, къутамэм фэдэу ар чӀадзыжьынышъ, гъужьыщт. Ащ фэдэ къутамэхэр аугъоинхэшъ, машӀом падзэнхэшъ, агъэстыжьыщтых.

А Ӏофхэр къызфышъосӀуагъэхэр сигушӀуагъо шъугухэм арылъынышъ, шъуигушӀуагъуи икъугъэ хъуныр ары.

Сиунашъохэр зыжъугъэцакӀэхэкӀэ, шӀу шъуслъэгъу зэпытыщт, сэри ся Тэ иунашъохэр зэрэзгъэцэкӀагъэхэм пае, ащ шӀу сызэрилъэгъу зэпытрэм фэдэу.

ШӀу шъузэрэлъэгъуныр ары унашъоу къышъуфэсшӀырэр.

Мы дунаим шъущыщыгъэмэ, мы дунаим ицӀыфхэм ежьхэм афэдэу шӀу шъуалъэгъущтыгъ. Джы зэрэщытымкӀэ, мы дунаим шъущыщэп, ау мы дунаим шъуиӀахь хэмылъынэу шъо шъукъыхэсхыгъ. Джары дунаим ицӀыфхэм шъузыкӀауджэгъурэр.