Popular Bible Verses from Иуан 13

Share

– УнэшъуакӀэ шъосэты: ШӀу шъузэрэлъэгъу. Сэ шӀу шъузэрэслъэгъугъэм фэдэу, шъори шӀу шъузэрэлъэгъу. Шъо шӀу шъузэрэлъэгъумэ, шъо сигъогу шъузэрэрыкӀорэр цӀыф пстэуми ашӀэщт.

Сэ шъуи Зиусхьанэу, шъуи ГъэсакӀоу сыщыт пэтми, шъо шъулъакъохэр къышъуфэстхьакӀыгъ. Шъори шъулъакъохэр зэфэшъутхьакӀыжьынхэ фае. ШъушӀэн фаер шъозгъэлъэгъугъ, сэ къышъуфэсшӀагъэм фэдэу, шъори шъушӀэным пае.

– Сэ сшӀэрэр джы о къыбгурыӀорэп, ау етӀанэ къыбгурыӀощт, – риӀожьыгъ Исус.

Шъыпкъэ дэдэр шъосэӀо, Ӏофтабгэр итхьэматэ нахьи нахь инэп; ащ фэдэуи лӀыкӀор ар зыгъэкӀуагъэм нахьи нахь инэп.

Мы Ӏофхэр къыжъугурыӀохэу, шъогъэцакӀэхэмэ, гъогу мафэ шъутеуцуагъ.

Аущтэу Исус Ӏанэм пэкӀи, ищыгъын кӀыӀутелъ зыщихи, ӀэплъэкӀ къышти, ыбг къырищэкӀыгъ. ЕтӀанэ лэджэным псы ригъахъуи, игъогу рыкӀохэрэм алъакъохэр афитхьакӀыхэу, ӀэплъэкӀэу ыбг ещэкӀыгъэмкӀи афилъэкӀыжьхэу ыублагъ.