Popular Bible Verses from Mt 23

Share

De ngɑn-ɑ dwøng kì kelli wun óløg bɑ̈ng wun.

Ngɑn-ɑ nyi tïng ree mɑl ódwøøg cyɑ̈n, o ngɑn-ɑ nyi dwøøg ree cyɑ̈n ótïng mɑl.

“Wun ɑ jøpwönyi Cigg kí Jøpɑresì, wu bɑ tyëngwëënyø, ri wun dɑ cyën, mɑ́ wu nyi muuj-ɑ ɑ́kyeel pyɑ̈rø kì ri nɑnɑɑ̀ kí cumɑ̈r kí kɑmun, de møg-ɑ per gen teg kì yethi Cigg ɑ́wiy yi wun, gen ɑ kwøbbi jyɑ̈ng-ɑ tir kí ywøøg yeth geki yïëyø. Bene møgɑni ɑ di dwɑddi gwøgø yi wun ceth, kɑ møg-ɑ nyi gwøg yi wun ko nyi wiy wun.

“Wun ɑ jøpwönyi Cigg kí Jøpɑresì, wu bɑ tyëngwëënyø, ri wun dɑ cyën, mɑ́ tɑ̈mmì geki ɑ́ludhhì nyii lwøgø yi wun kidøøj kì kömi gen, de yethi gen pɑ̈ng yi gïg-ɑ nyi gweem ji geki gïg-ɑ nyi kɑbbi ki döngi pëëth.

“Yerusɑlem! Yerusɑlem! Yïn ɑ nyi nɑ̈gø ki jøtöng, kɑ tyëng-ɑ ɑ́ör yïí yi Jwøk bɑ̈llí ki tuggi kïttì. Tyel mø gïïr yɑ ɑ́dwɑdd-ɑ cøngi nyigí ni gyenø kenyi cønge nyige thɑ́ obërre, de yï ɑ́bɑ̈nyi.

Wu nɑ gen ceth; wu nenni yi teedø wu døøj kì kömi wun, de pëthi wun pɑ̈ng yi wëënyø kí orøg.