Popular Bible Verses from Cɑ̈gø 45

Share

Anɑn pëthi wun ko rɑ̈ɑ̈m. Ri wun ko cɑyyi wun kipe kɑ ɑ́ngeew wun yɑn. Bɑ Jwøk kidyër ɑ ɑ́ör yɑn bøli wun be yieli ji.

Kɑ̀ bëëde kinøw, pɑth ki wun, de bɑ Jwøk ɑ ɑ́kɑ̈ɑ̈l yɑn pönhï. Kɑ yɑ cïbe mɑl kibøli jyɑ̈ggi rɑ̈dh bënn, bene yɑn jɑngi Rïp bëne.

Yɑ ɑ́ör bøli wun yi Jwøk ki yuu-ɑ dhɑ̈li gɑmø yi wɑ̈thee èn, kɑ per kinni o wu bødh wun, wuki nyigi wun.

Aköbbi gen yi Yosep kinni, “Yɑ kwɑjj-ɑ wun, kɑlu nyïngi keny.” Kɑ ge nyeg-ɑ bute. Kɑ okööbø kinni, “Bene yɑn Yosep, ómï wun, nyel-ɑ ɑ́ngëwwu tyëng-ɑ ɑ́kɑ̈ɑ̈lii Rïp.

Men bɑ ryeew runni kɑ̈j kì pönhï, runn ɑ́bïj møøgø nudd ge obëënø, runn-ɑ óbong byel møg-ɑ ócyeg kì yethi gen.

Yosep nyiimen ɑ́köbbe kinni, “Bene yɑn Yosep. Wïyee nudd e onëënø?” De keny-ɑ ɑ́lïngi møgɑni yi nyiiwɑ̈n, ge ɑ́ceg bwøgø ki mendwøng, kɑ ge ódhɑ̈lø löggø.