Popular Bible Verses from Mɛ̈t 6

Share

Kɔanɛ go̱r ni ciaŋ kuäärä Kuɔth kɛnɛ cuŋkɛ, kä ba ti̱ti̱ diaal ma̱t yɛ bä.

“Kɛ kui̱ ɛmɔ /cuarɛ diɛɛr kɛ mi ruɔ̱ni, kɛ ɣöö bi ruun baak kɛ bakdɛ. A riɛk ca̱ŋ ɔ ro̱ŋ kɛ jɛn cäŋɔ.”

“Kɛ kui̱ ɛmɔ ɣän la̱rä jɛ yɛ, /cuarɛ diɛɛr kɛ tëkdun kɛ mi bia cam, kiɛ kɛ mi bia math, kiɛ pua̱nykun kɛ mi bia la̱th. /Ci di̱t ni tëk kä mi̱eth, kä /ci di̱t ni puɔ̱ny kä bieyni?

Kä ji̱n, mi pali, wër dueelu, gäk thokdɛ, kä pal Guur nikɛ tɛ̱̈ɛ̱̈, kä Guur in nɛn tɛ̱̈ɛ̱̈du bɛ ji̱ moc muc.

Kä palɛ inɛ, ‘Gua̱a̱ra in te nhial, a ciötdu luɔ̱thkɛ. A kuääru bëë. A ruaacniku latkɛ piny, ce̱tkɛ min latkɛ kɛ nhial.

Käm nikɔ mi̱ethda ɛn cäŋ ɛ walɛ, min la camkɔ ciaŋ.

Kä päli kɔ dueerkɔ, ce̱tkɛ min pa̱lkɔ nɛy tin la̱tkɛ kɔ kä jiäk.

/Cu kɔ bo̱th guäth mi ba kɔ ɣɔam thi̱n, kä kän kɔ kä jiäk.’ (Kɛ ɣöö ɛ ruacdu, ɛ lua̱ŋdu, amäni puɔnydu kɛ kɛn do̱raari. Inɔnɔ.)

Kɛ ɣöö mi pa̱lɛ naath dueerkiɛn, bi Guurun in te nhial yɛ pälikä bä.

Guɛcɛ diit nhial, /cikɛ pi̱th kä /cikɛ ŋer, kä /cikɛ ŋɔaani dol lueekni. Kä Guurun in te nhial mi̱i̱thɛ kɛ. /Ci gɔw ni yɛn kä kɛ?

“/Cuarɛ rɔ̱ dul nyin riäŋä tin nhɔakɛ wi̱i̱ muɔ̱ɔ̱n, kɛ ɣöö ɛ jɛn gua̱a̱th in camkɛ ŋɔaani thi̱n ɛ tor kɛnɛ kɛ̈th, kä to̱l kuëël duël kä kualkɛ ŋɔaani. Kä duɔ̱lɛ rɔ̱ nyin riäŋädun tin nhɔakɛ cieŋ nhial, kɛ ɣöö ɛ jɛn gua̱a̱th mi /ci tor kɛnɛ kɛ̈th ŋɔaani a cam thi̱n, kä /ci kuëël duël to̱l kä /ca ŋɔaani kual. Kɛ ɣöö gua̱a̱th in te ria̱ŋdun thi̱n ɛ jɛn gua̱a̱th in bi lo̱ckun te thi̱n bä.”

“Thilɛ ram mi dee kua̱r da̱ŋ rɛw latdi kä, bɛ kɛl nyir, kä bɛ min dɔ̱diɛn nhɔk, kiɛ bɛ lɔcdɛ kɛɛliw ka̱m kɛl, kä bɛ min dɔ̱diɛn cany. Yɛn /cia Kuoth kɛnɛ ria̱ŋ dee latdi kä.”

Mi runy Kuoth juaac dɔaar ikä, tin tëk kä iruun bakɛ pɛt, /cɛ yɛ bi runyikä bä, yɛn nɛy ti kuiy ŋa̱thdun?

Kä ji̱n mi tho̱pi mucku, a tet caamdu /ci min la̱tkɛ ɛ tet cuëëcdu ŋäc. Kä inɔ bi mucku thöp kɛ tɛ̱̈ɛ̱̈, kä Guur in ŋäc tɛ̱̈ɛ̱̈du bɛ ji̱ moc muc.”

“Niɛkɛ rɔ̱, /cuarɛ lätkun tin gɔw lät nhiam nath kɛ ɣöö bikɛ yɛ nɛn, kɛ ɣöö mi la̱tdɛ inɔ bia thil muc kä Guurun in te nhial.

“Kä mi thɛ̈kɛ mi̱th, /cuarɛ gui̱c canä, ce̱tkɛ ji̱ mɛɛtdä, tin la nyuɔthkɛ thëkdiɛn ɛ ba nɛn ɛ naath. Ɛpuc, ɣän la̱rä jɛ yɛ, kɛn cikɛ muckiɛn jek. Mi thɛki mi̱th, yi̱r wi̱cdu kä lak nhiamdu, kɛ ɣöö /ca thëkdu bi nɛn ɛ naath, ba nɛn ɛ Guur in nɛɛn tɛ̱̈ɛ̱̈ni, kä Guur in nɛn tɛ̱̈ɛ̱̈ bɛ ji̱ moc muc.”