Popular Bible Verses from Marko 6

Share

Obiaŋarak nyia asaa jihosi iyiriari iŋiyere, nyio, odulori nyia aati arriai adaha wat wat jihosi. Ania, ette Yesu jiaran jio lefahat honyi jio, “Hafatta jio obo amaji onno oyur 'to oŋida efuo iyiri kai.”

Ette Yesu jiaran jihosi, “Iruhi aati hutto misihi 'daŋ ekianani Hollum arari fe aati hutto bore gala hosi hama iko hutto woyo hosi, buo hutta haŋ hosi.”

Ninyia afany inyi ilotifor, igonyu nyia inyi eluluŋ waati enne ittok, ette ataji honyi imehino jihosi. Nyio, arai nyia isi ihuo akioro hunno obeŋ heyyahani. Ania, ette inyi itterio ettiyenio isi erre arriai.

Tania, obeŋ nyia inyi oremik ihanio omuk eduariti diya arari eyabana honyi ahas jio omuk aŋuak kaiyo, ette itaŋida isi. Illilliha nyia Yesu bebe ta abiaŋan ono eruk jio aati. Attati Yesu leten jio amisihi hunno onyihai 'to jio amaji ania, ette ittiyenio.

Attati Yesu iduhuna emunio hoduo miyet iko aham hula arrihai, ette ibonno ahide dou, ette isio ahumo jio Hollum, ette ibibeny emunio, ette isiarana jio lejifak oŋida ihiharani jio aati, ette buo fe inyi iguguasana aham hula arrihai jihosi 'daŋ. Anyai nyia isi 'daŋ many ifuaŋarik. Attati lejifak ihuhuronia ofitot huno emunio iko aham itua afeehien 'tomon harrihai lur lur.