Popular Bible Verses from Matteyo 24

Share

Ihuania, isarrahi adi arrohoji jio aati arriai, many omumutararu abuaran tajia waati arriai. Ati italuahuni adi lia ollo odihu 'to many isidi.

Ittittoye adi Asayyo Ayijok huna huno Olobie jio afau 'daŋ, oŋida arai etamijanita jio aati 'daŋ; attati esidi fau adi ittuna.

Ifuatta adi itaniŋuna jio owon afere aŋati, buo fe asayyo huno afere anna alama 'to. Ati hèbaŋata, nyio, iduoŋi adi erre hunia luŋa, ati obeŋi isi itahutani jio alum esidi fau.

Orriomonie adi afau iko afau, buo fe obuore iko obuore. Iboŋ adi ahure iko olokitihi amasik 'daŋ. Arai erre hunia 'daŋ ihuo etteri honya hohe ŋotte onno ojio 'to esio.

Olitohini adi edou iko afau muluyaŋ, ati obeŋi adi ekenita hoŋ olitohini.

Nyio, ofuonni adi aati hulle ikianai ihuo alla arai isi ani. Ojiori adi ‘Ani Olonyimoto,’ itisiabari adi isi aati arriai.

“Tania, inefuni adi itai, ette ittigemio, ette ittohoro. Oliwarik adi aati 'daŋ itai te eram hoŋ. Jio oŋitek hua, ihari adi aati arriai nani. Itisiahai adi isi ahuattek hosi, buo fe iyalari ahuattek hosi. Ofuonni adi ekianak enyabak arriai, hullo ojiori 'to ekiana isi eram Hollum, ette itisiabara aati arriai.

Buo Yesu ette itarraŋ isi ojio, “Ihumata mijio, hèlaha obo atulo itisiaba itai!

Ihumata buo fe irra, nyio, ottu adi Lonyi Tulo ta asaa enne itimoti itai.

Ihumata ti mijio, nyio, ibiaŋata itai imijana ottu adi Lamonye hatai jio anani holoŋ.

“Ati obeŋ tulo omijak iduoŋ adi oloŋ nyia iko asaa nyia baya, ara duadi bu ajilohien huttedou iko Lonyi, arari fe Monye hama.

Ofuonni adi olonyimot enyabak iko ekianak enyabak, hullo ojiori 'to jio ekiana isi eram Hollum. Ihanie adi isi eduariti hunno obolori 'to iko ellillihita, inyobiere ara duadi bu olonyimot Hollum.

Ihuo ninyia arari inyi to oŋitek huno Noa, ara adi buo fe attuna ono Lonyi Tulo ihuo nyia. Jio oŋitek hua, ninyia hobeŋ aari ibul, oŋiye nyia aati buo fe amatai. Ayamanie nyia buo fe aliawa iko aŋoruo, many jio oloŋ ninyia ojiŋaniere Noa itogol. Ati obeŋi nyia isi omijani obo ariŋ many ibuliere aari, ette iwororo isi 'daŋ addi. Ara adi buo fe attuna ono Lonyi Tulo ihuo nyia.