Popular Bible Verses from Jɔn 15

Share

“Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Rɛ̈ɛ̈rkï ë yayic, ku yɛn ë weyiic. Acït man cïï këër duëër luɔk etök, të cïï en rɛ̈ɛ̈r ë timic, yen acït week aya, we cïï duëër luɔk, të kɛ̈n wek rëër ë yayic.

Të rɛ̈ɛ̈r wek ë yayic, ku rɛ̈ɛ̈r wëlkï ë weyiic, ka kë nu ë wepiɔ̈ɔ̈th ëbɛ̈n aduɛ̈ɛ̈rkï ke lip, ku abï ke luöi week.

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Acïn raan cath ke nhiëër dïït wär ee kënë an, bï raan wëike gaam në biäk de määthke.

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Kënë ee kë thɔ̈n week an: nhiaarkï röt, cït man cän week nhiaar.

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

“Yɛn aye tim yic tim de enap, ku Wäär yen aye raan tit dom.

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Kakë acä ke lɛ̈k wek, ke miɛt ë yɛnpiɔ̈u bï rëër ë weyiic, aguɔkï piɔ̈ɔ̈th miɛt abäk piɔ̈ɔ̈th ayum.

Të dɔ̈t wek lööŋ cä thɔ̈n week, ke we bï rëër ë nhiëërdï yic, cït man cän lööŋ cï wäär a thɔn döt, aguɔ rëër ë nhiëërde yic.

Löŋ thɔ̈n week kï, an: nhiaarkï röt wapäc.

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.