Popular Bible Verses from 1 Corintianach 13

Share

Ged bheathaichinn lem mhaoin am bochd, 's mo chorp ged loisginn fòs, Airson mo chreideimh, 's mi gun ghràdh, cha diong e bheag fa‑dheòidh. 'S fad‑fhulangach neo‑fharmadach, 's is càirdeil gràdh gun cheist; Cha dèan e uaill à bheartan fhèin, 's cha sèidear suas e 'm feasd.

Giùlan neo‑iomchaidh 's fuath le seirc, 's fèin‑spèis nan cleasan claon; Tha cridhe làn le iochd is blàths do chàch air feadh an t‑sao'il.

Droch amharas cha bhi aig gràdh, 's nì foighid ri droch dhaoin: 'S fàth bròin leis iomradh uilc is ciont; 's is toigh leis 'n fhìrinn chaoin.

Tha creideamh, dòchas agus gràdh, an tràth s' an seo le chèil; Ach creideamh 's dòchas fàilnichidh, 's buan‑mhairidh gràdh gach rè.

Giùlainidh gràdh fad ùine mhòir, le dòchas nithean 's fheàrr; 'S fuilingidh e gu macant sèimh iom eucoir agus tàir.

Le briathran dhaoin is ainglean nèimh, ged labhrainn le sgèimh ghrinn; Impidh ged chuirinn air gach neach le teangaidh bhlasda bhinn

Àrd‑fhiosachd Fàidhe ged bu leam, 's ged fhoillsichinn rùn Dhè; Gun ghràdh, is faoin gach nì dhiubh seo, cha dèan iad dhomh gnè fheum

Ged ath'rraichinn le creideamh treun, na slèibhtean às an ceal, Is neoni mi gun seirc is gràdh, cha mhair mo ghràs ach seal.

An tràth s' nar n‑òige gluaisidh sinn mar naoidheanan gun iùl: Chum foirfeachd; ach nuair dh'fhàsas sinn, thèid leanbaidheachd air chùl.