Popular Bible Verses from KUZOYA 27

Share

Mlungu ndekuneke gha mami gha mlungunyi, na gha manori gha ndoenyi, na wungi ghwa viro na divei. Wandu ndewikudumikie, na mbari nderikughoghomie. Kukaie bwana aighu ya wanyinyu, na wana wa mayo ndewikughoghomie. Uo ose uchakuwasira njowe ndewado ni njowe; na uo ose uchaakurasimia oho, nderasimilo.”

Esau ukaghamba, “Ado loli ukawangwa Jakobo si hachi! Iji ni indo ja kawi Jakobo ukinikalia; ja imbiri oonisoka hachi ya kuvalwa kwapo kwa imbiri, nao ola hoku sena wanisoka irasimio japo.” Nao ukamkotia ndee, “Ndekunisighie irasimio jingi aba?”

Nao ndee Isaaka ukaghamba: “Ola oho kuchakaia kula na manori gha ndoenyi, wokoni kuchakaia kula na mami gha mlungunyi. Kuchakaia moyo kwa lufu lwako, na oho kuchamdumikia mwanyinyu. Ela iji kwafufunuka, kuchaichikanya iyo ghongolo yake ifume singonyi kwako.”

Nao Esau ukamzera ndee, “Wele aba, kooka na irasimio jimweri tua? Nirasimie na ini wori ee aba.” Niko Esau ukalila kwa lwaka lubaa nandighi.