Popular Bible Verses from Luk 18

Share

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh? Inh khan kơ iĕm tơpă, 'Bok Kei-Dei gô tơdŏng hloi lu sư noh. Mă-lei lăp Inh Kon Bơngai jur dơ̆ng ning-mônh, Inh hăm oei 'bôh lu bơngai lui dơ̆ng ưh kơnh lah?”

Yêsu khan: “Mă dôm tơdrong kiơ kon bơngai ưh kơ gơh pơm, 'Bok Kei-Dei gơh ngăl. Bơngai bu 'Bok Kei-Dei mơnat, bơngai noh gơh mơ̆t.”

Sư năm apinh 'bok sek tơlang 'nei ling-lang ră, mă-lei 'bok 'nei kuă kơ tơdŏng sư. Mă-lei khŏm khŏm 'bok 'nei tơchĕng lăm to thoi âu: ‘Inh ưh kơ chu yom kơ 'Bok Kei-Dei, kư̆m ưh kơ chu kơ đe mơ̆n. Inh kuă kơ tơdŏng sư ră, mă-lei inh hơhrah kơ sư yua kơ sư apinh inh 'bơ'bel na inh chu tơdŏng sư.’ ”

Inh khan kơ iĕm tơpă: Dah bu ưh kơ lui thoi lu hơ'lơ̆p âu lui, bơngai noh 'Bok Kei-Dei ưh kơ pơgơ̆r sư ôh.”

Na Yêsu krao lu hơ'lơ̆p noh năm tơ Sư păng khan kơ lu bơngai pơhrăm păng Sư: “'Nĕ pă khă lu hơ'lơ̆p, lê̆ lu sư năm tơ Inh, yua kơ bơngai bu lui thoi lu bơngai hơ'lơ̆p âu lui, bơngai noh 'Bok Kei-Dei pơgơ̆r wei-lăng sư ling-lang.

Na Yêsu khan kơ sư: “Dang ei măt ih 'bôh hơdah. Yua kơ ih lui na măt ih klaih.”

Yêsu khan kơ sư: “Yua kơ kiơ ih khan Inh bơngai 'lơ̆ng tơpăt? Kon bơngai ưh kơ đei bu 'lơ̆ng tơpăt ôh. Pôm Kră Yang 'Bok Kei-Dei đĕch 'lơ̆ng tơpăt.