Popular Bible Verses from Luk 11

Share

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Thoi noh na Inh khan kơ iĕm, krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Na Yêsu khan: “Iĕm krao khan thoi âu: ‘Ơ 'Bă, ăn anăn Ih jing ư-ang. Ăn kơ dêh char Ih tĕnh truh.

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn. Apinh Ih 'nĕ ăn kơ nhôn lui kơ đe pơhlŭ pơlung.’ ”

Apinh Ih ăn kơ nhôn đei sŏng sa mah rim năr.

Măt pơm ŭnh kơđeng kơ akâu bơ̆n. Dah măt bơ̆n hơdah 'lơ̆ng, lei tôm tơdrong akâu bơ̆n jang kư̆m 'lơ̆ng mơ̆n. Dah măt bơ̆n kơnê̆, lei tôm tơdrong akâu bơ̆n jang kư̆m ưh kơ 'lơ̆ng, dang bơ̆n oei lăm măng mu đĕch.

“Bơ̆n tơ̆k ŭnh kơđeng wă kơ hơdah, bơ̆n ưh kơ lah tơ̆k ŭnh kơđeng 'măn lê̆ tơ rimrôm hnam ôh, dah tơ̆k ŭnh kơđeng iŏk reo klơ̆p lê̆. Bơ̆n juăt kơ atol ŭnh kơđeng tơ kơpal jrăng wă kơ bơ̆n 'bôh hơdah jơ̆p-jang.