Popular Bible Verses from San Marcos 16

Share

Y ñʌjayaju Jesujsis: Maŋdamʌ naswindumʌ, tzamgopuŋdamʌ te' evangelio mumu pʌ'nojmo.

Y yʌ'šejta'mbʌ señal maŋba tyujcu te' wʌ'aŋja'moye'ojmota'm: Ʌs nʌquiʌsi maŋba myacpujtyaju yatzita'mbʌ espíritu, y maŋba chamyaju wi'ni eyata'mbʌ otowe. Maŋba ñuquiaju yajca'opyapʌ tzan. Y juca tyo'ŋyajpa tiyʌ'iwʌ veneno, ja'n yajtiyʌ chʌcjayay. Y maŋba quiojtyaju te' quiʌ' te' ca'ewʌcʌsita'm y yʌ'ta'mbʌ tzoquiajpa.

Iwʌ's wyʌ'aŋjamba, y pyʌjcʌchoŋba ñʌ'yʌ'oquiuy, te'wʌte' cotzocpa. Pero te' ja'n wyʌ'aŋjamepʌ's, te'wʌ jyajcʌyajuwa'nde' quiowa.

Y ñe'cʌta'm tzu'cumyaju, maŋu chamgopuŋyaju mumuta'mbʌ luga'rojmo. Y tʌ Ngomi's quiotzoŋyaju y pyaquitzi'u te' ñe' chame te' ñe'cʌ'sta'm chʌquiajupʌ isaŋwʌ'ajcupyit. Amén.

Pero te' pʌ'nis ñʌjayaju: Uy na'tztame. Nʌmis me'tztamu Jesús te' Nazarejtojmopʌ, te' mya'mʌyajupʌ cruzcʌsi. Winsa'wa'a, ja'ndiya' yʌy. Quendamʌ quiotjayajumʌy tʌ Ngomi's cuerpo.

Quengui'myaju'ca, quieñaju te' tza' tzeŋejʌcʌwa'a, y jene mʌjapʌte' inʌc. Tʌjcʌyaju te' tza'tʌjcojmo, y quieñaju tuma'ŋbʌn ñe'ta'm chʌ'na'ŋojmoc pocsuwʌ, yamupʌ's te' pyama pʌpyʌ y popowʌ. Y na'chaju.