Popular Bible Verses from San Mateo 9

Share

Pijche'ca nʌjayutʌj, tʌj te' quiʌ'aŋmayeta'm: Wiyuŋšej jene wʌwʌ ijtu cosecha pero uša'ŋde' yojšajpapʌ. Te'cotoya wa'ctamʌ te' cosecha-comicʌsi wa'y quiʌ'weju yojšajpawʌ ñe' quiosechacotoya, (pʌ'nʌste' nʌ ndzamyaju).

Ma aŋmaytyamʌ jutz sunba ñʌmu yʌ'šej: Sunba'ʌs wa'mij ñdyo'ya'ŋʌ'oytyamu, y ja'n copʌn-yajca'oquiupyʌ cʌna'tzʌ'oquiuy. Jaminʌ'ʌs me'cha justota'mbʌ sino que te' cowatzʌquita'mbʌ wa'y quipswitu'yaju.

Quieñaju Jesujsis tey wʌwʌ pʌn yʌmʌc teymʌc titnayajupʌ. Tey inʌc ijtyaju jujcha' ñchowambe jyambʌ'yatʌjupʌ, ja'ndiyʌta'mbʌ's quioque'noye. Pijche'ca tyo'ya'ŋʌyaju.

Y myatoŋu'ca Jesujsis, ñʌjayaju: Ca'eta'mbʌ'ste' šuñajpa tzo'yʌ'opyawʌ, y ja'nde' te' cosa'sata'mbʌ's.

Y cumguñamaye y riberanamaye inʌc cʌtʌcpa Jesús. Y aŋma'yopya inʌc te' judio'sta'm wyindʌjcojmo, y chamgopuŋba inʌc te' evangelio chambapʌ's jutz aŋgui'mba Dios. Yajtzocpa inʌc ca'eta'mbʌ y jujche'ŋ toya'ojmota'mbʌ te' cumgu'yojmo.