Popular Bible Verses from San Mateo 22

Share

Y Jesujsis ñʌjayu: Sunʌ mis Ngomi Dios ndumʌtzocoy, ndumʌ sis y ndumʌ nʌ'pin, y mumu mis nʌctʌ'yoquiupyit. Yʌ'wʌte' te' aŋgui'mguy-quiowi'na más mʌja'ŋbʌ. Y te' myetzo'mopʌ aŋgui'mguy-quiowi'na te'šej tomepʌtijte'que': Sunʌ ndʌwʌ jujcha' mis sunba ne' nwin.

Yʌ' metzata'mbʌ aŋgui'mguy-quiowi'na's 'yaŋgui'mba mumuta'mbʌ aŋgui'mguy, y mumu tza'maŋwa'oye'sta'm chame.

Porque wʌwʌ pʌn nʌ 'yaŋbʌquiatʌju, pero uša'ŋde' te' copiŋyajupʌ.

Porque te' winsa'yajpa'ca ca'yajupʌ, ja'na maŋu quio'tʌjcajyaju, ni ja'na maŋu šajyaju 'yune. Pero maŋba ijtyaju jujcha' Diojsis 'yangelesta'm tzajpojmo.

Yajquendamʌ'ʌj te' tumin ŋguioyo'oytyambapʌpitmij. Y ñe'cʌ'sta'm yajqueñaju tumʌ denario-tumin. Pijche'ca ñʌjayaju Jesujsis: ¿Iwʌ'sjayʌ' wyinnaca-chʌqui, y yʌ' ja'yʌyupʌ tiyʌ cʌsmʌc? Ñe'cʌ'sta'm ñʌjayaju: Te' rey Cesa'riste'ñe'. Ñʌjayaju Jesujsis: Tzi'tamʌ jeque te' César ñe'cʌ's quiowindzʌmbaše'ŋ, y tzi'taŋgue'ta Dios ñe'cʌ's quiowindzʌmbaše'ŋ.