Popular Bible Verses from San Mateo 19

Share

Nique'nʌyutʌj Jesujsis y nʌjayutʌj: Te' pʌ'nista'm ja'n musi yajcotzoquiaju wyin, pero Diojsis muspa yajcotzoquiaju, porque muspa chʌjcu mumutiyʌ.

Te'šej jeque, ja'nande' metzata'mbʌ sino que tumʌ'ajyajpa. Te'cotoya Diojsis tyumʌtzʌquiajupʌ, uy yajwe'ne pʌ'nis.

Y ñe'cʌ's 'yaŋdzoŋyaju: ¿Jañdyu'ndamʌytya' te' Diojsis Tyotojaye'ojmo jutz tzo'tzcu'yojmo tumʌtij chʌjcu pʌn, y tumʌtij yomo? Y ijtu ja'yʌquie'tumʌy yʌ'šej: Te'cotoya co'tʌjcajyajpa'ca te' pʌnda'm, maŋba chaquiaju tyataj y ñanaj, y tumʌtzʌcpa yomoji'ŋ. Y te' metzata'mbʌ inʌc tumʌ'ajyajpa.

Y Jesujsis nʌjayutʌj: Tzactamʌ te' uneta'm wa'y miñaju ʌ'aŋi. Uy yajwinductame porque yʌ'šejta'mbʌte' maŋba tyʌjcʌyaju aŋgui'mopyamʌy te' tzajpojmopʌ Dios.

Pero wʌwʌ te' yʌtijta'mbʌ cowi'na maŋba quiʌma'ŋajyaju. Y te' yʌtij cʌmaŋda'mbʌ maŋba quiowi'najyaju.

Y iwʌ's chacpa tyʌc, 'yatzi, quiose, pyotzo, tyataj, ñanaj, yomo, 'yuneta'm, o ñas wa'y yojsu ʌs nʌquiʌsi, te'wʌ's maŋba pyʌjcʌchoŋu mojsi's naca te'še'ŋ, y te'šejtijque' te' ja'n yayepʌ quenguy.

Ñʌjayu Jesujsis: Juca sunbamis ndzʌcta'nu Diojsis šunbašej, ma ma'ʌpyʌ'ʌ ndiyʌta'm mis ijtu y tzi'ya te' tumin te' yacsnuwijtyajpapʌ. Te'šej maŋbamij itʌpa'tu tzajpojmo. Y minʌ co'ŋa'ʌj.

Pero Jesujsis ñʌjayu: ¿Tiyʌcotoya'mʌjte' nʌjapya: Oyepʌ Maestro? Ja'ndiyʌ ya'iwʌ oyepʌ, juca ja'n Dios tumʌpʌ. Juca sunbamis mba'tu ja'n yayepʌ quenguy, cojamʌ te' aŋgui'mguytya'm.

Ʌsmij nʌjaytyamba que más mawʌcʌtʌcpa te' camello acuša-wo'ojmo que ja'n wa'y tyʌjcʌyaju itʌpa'tyajupʌ aŋgui'mbamʌy Dios.

Pero ʌs nʌjaytyamba'ʌsmij: Iwʌ's chacpa te' yomo juca jaquiʌtzʌjcʌ, y co'tʌjcajpa eyapʌji'ŋ, nʌte' quiʌtzʌjcʌ'oyu. Y iwʌ co'tʌjcajpa te' chaquiajupʌji'ŋ, cʌtzʌjcʌ'opya.

Pijche'ca tʌj, te' quiʌ'aŋmaye, nʌjayutʌj Jesujsis: Wiyuŋse'ʌsmij ndzamjaytyamba que penapit maŋba tyʌjcʌyaju te' itʌpa'tyajupʌ te' aŋgui'mbamʌy tzajpojmopʌ Dios.