Popular Bible Verses from San Juan 14

Share

Sunba'ʌs wa'mij sʌ'mnayu'c ittamu, ʌj sʌ'mnayu'c itpašej te'še'ʌs sunba wa'mij sʌ'mnayu'c ittamu. Te' ja'n wyʌ'aŋja'moyapyʌ's ñʌjaytyambamij wa'y ittamu mista'm sʌ'mnaquiuy, pero ʌs ja'ʌs te' najsacopac sʌ'mnaquiuy ndzame. Uy yajopi'ttame mista'm ndzocoy, ni uy na'tztame.

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

Uy yajopi'ttame mista'm ndzocoy. Nwʌ'aŋjamdambamis Dios, wʌ'aŋjamdaŋgue'ta'a ʌj.

Pero ʌs Ndata's maŋba quiʌ'weju ʌs nʌquiʌsi te' Cotzo'ŋopyapʌ, y yʌ'wʌte' te' Espíritu Santo. Ñe'cʌ'smij maŋba 'yaŋmaytyamu mumutiyʌcʌsi, y nyajamwʌtzʌctamu tiyʌta'mʌsmij ndzamjaytyamupʌ.

Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

Y ʌs maŋba'ʌs nwa'cjayu Ndata Dios, y maŋbamij ŋguiʌ'wejaytyamu eyapʌ Cotzo'ŋopyapʌ. Ñe'cʌ maŋba chʌ'yu miji'ŋda'm mumu jamacotoya. Te'wʌte' te' Espíritu Santo, wiyuŋdzambapʌ. Iwʌ'sʌj ja'n wʌ'aŋjame ʌj ja'n maŋu pyʌjcʌchoŋu te' Espíritu porque ja'n quiene ni ja'n ispʌqui. Pero mis ispʌctambamis porque miji'ŋda'm ijtu, y itwa'a mista'm ndzoco'yojmo.

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit. Juca nwa'ctambamis tiyʌ'iwʌ ʌs nʌquiʌsi, te'wʌ ʌs maŋba ndzʌjcu.

Juca sundambamisʌj, cojamjaytyamʌ ʌs aŋgui'mguy.

Ʌs Ndata's itcu'yojmo wʌwʌ ijtyaju tʌc. Juca inʌc ja'n tye'šej ndzamjaytyamwa'mʌsmij inʌc Maŋba'ʌsmij jeque nimejcʌyjaytyamu lugar.

Y juca maŋba ʌj, y nimejcʌyjaytyamba'ʌsmij lugar, mingue'tpati'ʌj. Y ʌstijmij minba mbʌctaŋgue'tu wa'y jutʌ'ʌj ijtu ʌj teymʌ mij maŋba ittaŋgue'tu.

Ñʌjayu Tomajsis: Señor, ja'ndʌs musi jutʌmijte' myaŋba, ¿jutza'ndʌs maŋba mujsu te' tuŋ?