Popular Bible Verses from San Juan 10

Share

Te' nu'mbapʌ minba wa'ytye' ñu'mu, y yajca'oyu y yajtoco'yoyu. Ʌj minu'ʌj wa'yʌs ndzi'yaju jomepʌ quenguy, y wa'y omgomʌ'ñaju te' jomepʌ quengu'yojmo.

Ʌjte' te' oyepʌ coque'noye. Y ʌs ndzi'oquia'pa'ʌs nwin ñchowambecotoyata'm, sunba'ʌjte' nʌmu pʌngotoyata'm.

Ʌsne' ñchowambe'sta'm, sunba'ʌjte' nʌmu ʌsne' mbʌ'nista'm, ñʌctʌ'yjayajpa ʌs nwejcʌ', y ʌs ispʌquiajpa'ʌs, y co'ŋyajpa'ʌj.

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

Ʌjte' te' tyʌjcʌquiuy. Iwʌ ʌjpit tʌjcʌpya maŋba quiotzojcu. Y maŋba pyutpa tyʌjcʌyu y maŋba pya'tu jyamacʌtʌjcuy.

Ʌjte' te' oyepʌ coque'noye. Ispʌquiajpa'ʌs ʌsne'ta'm, y ʌsne'ista'm ispʌquiajpa'ʌj

Ʌs Ndata'sʌjte' tzi'yaju ʌs mbʌnda'm. Y ʌs Ndataj mʌja'ŋbʌte', y ya'iwʌ's ja'n musi yajʌcʌ'jayaju ñe' quiʌ'ojmoc. Ʌj Ndataji'ŋ tu'mbacpʌtʌjyʌ'.

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

Ya'iwʌ'sʌj ja'n musi yajca'u, sino que ne' su'noquiupyi'tʌste' ndzi'oquia'pa nwin. Ijtu ʌs aŋgui'mʌtʌjcuy wa'yʌs ndzi'oquia'u nwin, y ijtu ʌs aŋgui'mʌtʌjcuy wa'yʌj nwinsa'wʌtzʌjcu. Yʌ'šejpʌ aŋgui'mʌtʌjcu'yʌj tzi'u Ndata's.

Te'cotoya chamwʌtzʌcjayajque'tu Jesujsis: Wiyuŋše'ʌsmij nwiyuŋdzamjaytyamba: Ʌjte' te' tʌjcʌquiuy te' ñchowambecotoyata'm, y te' ñchowambeta'm pʌnda'mde'.

Te' coyosa ja'nde' te' coque'noye ni ja'nde' te' ñchowambecomi. Juca quienba nʌ minu quiʌ'šajpapʌ's te' ñchowambe, pyochaquiajpa te' ñchowambeta'm. Y te' cʌ'soye's wene ñuquiajpa y eyata'mbʌ puŋdijtitnayajpa.

Wiyuŋše'ʌsmij nwiyuŋdzamjaytyamba: Iwʌ sunba tyʌjcʌyu ñchowambe'sta'm wye'que'ojmo, pero ja'n tyʌjcʌy te' tʌjcʌyajpamʌy sino que emʌc maŋba qui'mdʌjcʌyu wa'ytye' ñu'mu, nu'mdʌjcʌpya.