Popular Bible Verses from MARCOS 6

Share

Te Jesuse la yalbe: —Laꞌik, konik joꞌukotik nax ya xba kux koꞌtantik chꞌinuk ta junuk luwar te jochole —xchi te Jesuse. Yuꞌun te genteetik xtal xbajtik nax. Ni tsꞌinuk maꞌyuk stiempoik ta weꞌel.

Te Jesuse la yalbe: —Spisil genteetik ya yakꞌik ta kuenta te jꞌalwanej yuꞌun Dios. Yan tsꞌin te ba slumale, ma xkꞌanot yuꞌun te sbersinae sok te machꞌatik ba snae —xchi.

Kꞌalal koik tal ta barko te Jesuse la yil te ayix bayal te genteetik teꞌa. La xpich yoꞌtanin ta spꞌejelik, yuꞌun jachik tutꞌil te karneraetik te maꞌyuk machꞌa xkanantayot yuꞌune. Y lijk ta spꞌijuteslanel. Bayal tutik a yaꞌbe snop jilel.

Jich ma spas milagroetik teꞌa. Jaꞌ nax jtul cheb chameletik la skajanbe skꞌab ta sjolik y la skolutes jilel. Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

Te Jesuse la stsak te joꞌpejch waj sok te chaꞌkojt chaye y la skꞌelu moel ta chꞌulchane, la yalbe kola yal Dios yuꞌun. La xeꞌtalan te waje, la yakꞌtalanbe te jnopojeletik yuꞌune yuꞌun ya spukbe te genteetike. Sok la yakꞌ ta pukel euk te chaꞌkojt chaye. Spisil a weꞌik asta ba kꞌalal te nojike. Y la xan stsob sba lajchayeb moch te xejtꞌelel sobrail te waje sok te chaye.