Popular Bible Verses from MARCOS 2

Share

La yaꞌi tsꞌin to te Jesuse, jich la yalbe: —Te machꞌatik lek ayike maꞌyuk nesesidad yuꞌun te jloktore; jaꞌ nax te machꞌatik ayik ta chamele puersa yuꞌun te jloktore. Ma jaꞌuk tal kikꞌ machꞌatik lekike, jaꞌ a tal kikꞌ te jmulawiletike —xchi te Jesuse.

Te Jesus la yil te ay xchꞌuunel yoꞌtanike te ya xkoltaywane, jich la yalbe te jchamele: —Jnichꞌan, te amule pasbilix perdon —xchi.

Sok Jesus la yalbe: —Jaꞌ sluwar te ay skꞌaalel te kuxooꞌtane jich ya xkuxik yoꞌtanik te genteetike. Ma jaꞌuk sluwar te ya xkꞌax swokolik ta skanantayele.

Komo ben bayal te gentee, ma spas a kꞌaxik bael te ba ay te Jesuse. Jich a moik bael ta sba te nae, sok la stochbeyik sba te nae. Y komo jeꞌelix a, la skoesik bael sok swayib te jchamele te ba ay te Jesuse.

Pues, ya me kaꞌbeyex awilik te tutꞌil tulan yaꞌtel yichꞌoj ta xchꞌayel mulil ta balmilal te Nichꞌanile —xchi te Jesuse. Jich a yalbe te winik te makꞌ xnijkix te stiꞌbalule: —Ya kalbeyat te jaꞌate: Jajchan. Ichꞌa bael te awayibe, baan ta ana —la yut.

¿Tut a te ma wokoluk ta albeyel te jchamele? ¿Me jaꞌ te “chꞌaybilix amul”, te ya kute? ¿O jaꞌ ma wokoluk ya awaꞌi te: “Jajchan, ichꞌa te awayibe, baan”, te ya kute?

Jich a jajch te machꞌa ay ta chamele. La xach bael te swayibe. Lokꞌ bael te ba tsobolike. Kꞌelajtik jilel sitik ta spisilik. Bayal aꞌabiyan yoꞌtanik yuꞌun, sok la yalbeyik kola yal Dios yuꞌun. La yalike: —Maꞌyuk ba kilojtik tutꞌil to —xchiik.