Popular Bible Verses from MARCOS 11

Share

Ja sluwaril te ya kalbeyex te ya skꞌan ya xchꞌuun awoꞌtanik te ya yaꞌbeyat te Diose spisil te tut ya akꞌan ta skuentae. Jich me ya awichꞌik te tut ya akꞌanbeye.

Jamal ya kalbeyex, teme ya awalbeyik te wits to: “Lokꞌan teꞌa me to, chꞌoja aba ochel ta mar”, teme ya awute, jich me ya xkꞌot ta pasel, teme makꞌ ya awal ta awoꞌtan te ma jichuk ya xkꞌote sok teme jich xchꞌuunej awoꞌtane.

Te tut ora ya akꞌoponik te Diose, pasbeyaik perdon nailuk te machꞌa ay sla awoꞌtanik soke. Yuꞌun jich me ya spasbeyex perdon yuꞌun amulik euk te jTatik te ay ta chꞌulchane.

La sjakꞌ te Jesuse: —Ayuk me xchꞌuunel awoꞌtanik sok te Diose.

Jich a yal ta pꞌijuteswane te Jesuse: —Jich tsꞌibabil ta Sjun Dios: “Te jnae jich albil te jaꞌ snaul skꞌoponel Dios yuꞌun spisil te genteetike.” Pero te jaꞌexe la awakꞌikix ta xchꞌen elekꞌetik —xchi te Jesuse.

Te machꞌatik nailajemik baele sok te machꞌatik patilajemike xꞌawlajanik: —¡Bayal slekilal! ¡Ben me tsaꞌam te machꞌa talemix ta skuenta te Kajwaltike!

¡Ben me tsaꞌam te machꞌa xlijk ta mantale te stsꞌumbal te jtatik Davide! ¡Bayal slekilal te Chꞌul Dios te ay ta chꞌulchane! —xchiik ta aw.