Popular Bible Verses from MATEO 27

Share

Xnopetix las tres mal kꞌaal a tulan a kꞌopoj te Jesuse: —Eli, Eli, ¿lama sabaktani? —xchi ta kꞌop, jaꞌ bi: —Dios kuꞌun, Dios kuꞌun, ¿tuꞌun te la ajilesone? —xchi te tuti yale.

Mismo tiempo a te spakꞌal templo te makal aye chꞌiꞌ koel ta sba kꞌalal ta yeꞌtal. Nijk te balmilale, sok laj jat te chꞌentikile. Jam te ba mukajtik te animaetike, sok chaꞌkux tal stiꞌbalulik bayal te machꞌatik jun yoꞌtan xchꞌuunej Dios a laj chame.

Tulan a awun xan te Jesuse y cham.

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

Ol kꞌaal a ijkꞌub spisil te balmilale, jaꞌ to kꞌalal ta las tres mal kꞌaale.

Te Pilatoe la sjojkꞌo xan: —¿Tut ya skꞌan ya jpasbe te Jesuse te Cristo xchi skꞌoplale? —xchi. Spisilik la sjakꞌik: —¡Mila ta krus stukel! —xchiik. Te Pilato la yal: —¿Tut a te ma lekuk spasoje? —xchi. Pero mas tulan a lijkik ta aw: —¡Mila ta krus! —xchiik.