Popular Bible Verses from MATEO 16

Share

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

Joꞌon ya kal te jaꞌat jPedroat, te pꞌej ton kꞌoemat te ya kakꞌ ipajuk a te jchꞌuuneletik kuꞌune. Te jchꞌuuneletik kuꞌune ma xjuꞌ te ya stsalot yuꞌun yip te lajele.

Joꞌon ya kaꞌbeyat te syaweul te ba ay ta mantal te jTatik Dios te ay ta chꞌulchane. Te tut ya akom ta pasel ta balmilale, jich albilix skꞌoplal ta chꞌulchan abi. Sok te tut ya awakꞌ ta pasel ta balmilale, jich albilix skꞌoplal te chꞌulchan abi —xchi te Jesuse.

Jich te machꞌa ya xkꞌuxutay sba sok te xkuxlejale ya me xchꞌay sok te xkuxlejale. Yan te machꞌa ya xchꞌay xkuxlejal teme joꞌon ta jkaje, ya me sta xkuxlejal stukel.

¿Tut ya xlokꞌ awuꞌun teme ya awuꞌunin spisil te balmilale teme ya xchꞌay te akuxlejale? ¿Jayeb ya xjuꞌ ya atoj a yuꞌun te akuxlejale?

Te Jesuse la sjojkꞌobe: —Jal tsꞌin jaꞌexte, ¿machꞌa ya akuyikon a? —xchi. La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.