Popular Bible Verses from JUAN 19

Share

Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Te Jesuse snaꞌoj te spisil a juꞌix yuꞌun ta pasele. Yuꞌun jich ya xkꞌot ta pasel a te tut tsꞌibabil jile, la yal: —Takin koꞌtan —xchi.

Te Jesuse la yil te smeꞌ te teꞌ tekꞌel sok a te jnopojel te ben kꞌux a yaꞌi sba soke. La yalbe te smeꞌe: —Jmeꞌ, jaꞌ me awal ya xkꞌot te ya awile —xchi. Te nax a la yalbe te jnopojele: —Jaꞌ me ameꞌ ya xkꞌot te ya awile —xyut. Mismo tiempo a te jnopojele la yikꞌ ta sna.

Pero kꞌalal tijilajik bael te ba ay te Jesuse, chamenix a yilik. Jich ma skꞌajbeyikix a te yok stukele. Pero te jtul soltaroe la slowbe ta lansa te skostiyae, y ora nax a lokꞌ tal chꞌichꞌ sok tojol jaꞌ.

Porke spisil te tuti kꞌot ta pasele, yuꞌun me jich tsꞌakal a spas kumplir a te tut tsꞌibabil jilel ta Sjun te Diose te jich ya yale: “Ni jchꞌixuk sbakel ya yichꞌ kꞌajel stukel”, xchi me. Sok ay xan yan te jich tsꞌibabil jilel ta Sjun te Diose te jich ya yale: “Ya me yil ta sitik te machꞌa la slowike”, xchi me.

Te Jesuse xkuchoj lokꞌel te skruse. Bajt te ba ay te Bakeljolol sbiil te luware, te Gólgota sbiil ta hebreo-kꞌope.

Te soltaroetike la xotik chꞌix la yaꞌbeyik skoronain ta sjol te Jesuse, y la slapbeyik jlik mam najtꞌil tsajal kamixal.