Popular Bible Verses from JUAN 17

Share

Lekutesbeya yoꞌtanik yuꞌun te tut batsꞌi jiche; te tut a te batsꞌi jiche jaꞌ te akꞌope.

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

“Ma jaꞌuk nax ya jkꞌambeyat pawor yuꞌun te machꞌatik xchꞌuunejonixe. Jaꞌ ya jkꞌambeyat pawor yuꞌun euk te machꞌatik patil ya xchꞌuunikon ta skuenta te tut ya yalik te machꞌatik xchꞌuunejonixe. JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

Te joꞌone la kꞌabeyix yichꞌik te jlekilal te machꞌatik la awakꞌ xchꞌuunonixe. Yuꞌun jun nax me ya xlaj kꞌot, jich tutꞌil te jun nax ayotik te joꞌotike. Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.