Popular Bible Verses from Marcos 6

Share

Jëtu'un ja Jesús y'ënëmaayëtë: Mintë, jam mpo'kxtë ma ka'ap nëkooyë nä'ämpën. Jä'ä ko janaam jatsojk ja ja'ay wyimpit y'atëjtë, jëna'ajëty ka'ap y'ëkkaaynyëtë.

Tä ja Jesús y'ënëmaayëtë: Yajwintsë'këp ja Tios ja kyäjpxynyajxpë oy tyimmaajëty, jämyë ka'ap yajwintsë'ëkëtë ma nyaax kyajpnën, ma jyiiky myëku'ukën ets ma tyëjkën.

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënät t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënät tyaj'ijxpëjktso'ony kanaakjëjp.

Ka'ap jam ojts tuuny yë mëj'ajtën, wäänë je'eyë tyajtsoky ja pa'amja'ay ko ojts tkë'ënixajy. Mëk tja'awëy ko ja ja'ay ka'ap myëpëjkë. Ënät kajpn kajpn jyëtijty tyaj'ijxpëky ja ja'ay.

Tääts ja Jesús mëkoxk ja tsajpkääky tkoonë'ky ets mäjtsk ja ajkx ets ojts pya'at'ixy tsajpwinm, jëtu'un ja Tios tkukajpxëy. Tääts ojts tujkwä'kxy ja tsajpkääky, ojts ja y'ijxpëjkpëtëjk tmo'oy ets tyajwa'kxtëty ma ja ja'ayëtyën. Näyjyëtu'un ojts tyajwa'kxta'atë ja ajkx ma ja ja'ayëtyën ni'ëmukë. Ojts ni'ëmukë ja ja'ay kyäytyë ku'uxyë. Ko kyääytyääytyë ja ja'ayëty ënät tpëjkmujktë majkmäjtsk katsy ja tsajpkääky natëkë mëët ja ajkx natëkë.