Popular Bible Verses from Marcos 14

Share

Ets tmëkäjpxy ja Tios: Mijts, Tios Teety, mijts winë myaj'o'oyëtyääpy. Këtii xyajkutukëty etsës n'ëyo'onpaatëty; je'eyëp ko ka'ap jyëtu'unëty ijxtëmës ëjts tii ntsokyën, yë'ë tunëp ijxtëm të xytyuknipëjktaakën.

Wijtë käjtë, ja'amyätstë yë Tios ets ka'ap ja ku'oypyë mnätyukmëmëta'akëtëty. Ënaanp ja aaw jot ets tunëty mëti'ipë Tios tsyojkpyën; je'eyëp ko ni'kx kopk, yë'ë atoonk apatk yajpatp.

Tëy miits n'ënëëmëtë ko oy tyimmaajëty maa ënäty yajkajpxwä'kxyën ya'atë oy aaw oy ayuk, yajnikajpxëp näjyëtu'un ets mëj'äämpy nëjkx nyäxy ya'atë to'oxytyëjk mëët mëti'ipë të tunyën mëët ëjts.

ënät t'ënëmaay ja y'ijxpëjkpëtëjk: Këjxpës yë n'aaw njot mëët yë jotmay mëpaatëpës n'o'knë. Yaa miits wë'ëmtë ets juuky itë.

Tam ënäty y'a'ux'atë, ko ja Jesús tnixajëy ja tsajpkääky ets ja Tios tmooy ja kukajpxën. Tääts ojts tujkwä'kxy ets tmooy ja y'ijxpëjkpëtëjk ets t'ënëmaay: Kaytyë, ya'atë, ëjts yë ni'kx nkopk.

Tääts tkoonë'ky tu'uk ja a'ukën ets tkukajpxëy ja Tios, ënät tmooy ja y'ijxpëjkpëtëjk ets ni'ëmukë t'uktëy. Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

Jam ja Jesús ojts y'ënë'ëmxëtë: Xy'ëxmatsantëpës miits ni'ëmukë, jä'ä ko jëtu'un ja Tios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny kyääkwa'kxta'aja'antë.

Pëtë'ëktë ets nja'amëty, tyaa ja ja'ay myiny mëti'ipës xykyë'ëyakaanpën.

Ënät ja Jesús y'ënëmaayë: Tëy mijts n'ënëëmë ko tyam koots, ka'anëm ënäty ja këtseynyë'aaw yaaxë'ëky mëmäjtsk okpë koos mijts tëkëëk ok xykyuyu'utsa'any.