Popular Bible Verses from Lucas 6

Share

Mo'otë ja ja'ay tii yajmëyäjtypyën, ets ja Tios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Tios winë mo'ojëtëty ijxtëm ënäty ja ja'ay winë xymyo'otën.

Ja oyjyä'äy, oy ja kyajpxën myëtyakën, jä'äkyëjxm ko twinma'any'äty ja oypyë. Ja ëxëëk ja'ay, ëxëëk ja kyajpxën myëtyakën jä'äkyëjxm ko twinma'any'äty ja ka'apë y'oyëtyën. Mëti'ipë jyootjoty wyinma'anyjyotyën, yë'ë kyajpxpëtsëëmpy.

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Tios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Mpa'ëyowtëp miits ja ja'ay ijxtëm ja Tios Teety pya'ëyoyën.

Ka'ap wiinkëtypë xy'ixtëty xytyuntëty ets ja Tios ka'ap näjyëtu'un m'ixëtëty mtunëtëty. Ka'ap wiinkëtypë xypoky'ixtëty ets ja Tios ka'ap mpoky'ixëtëty. Nimä'kxtë ja ja'ay ets ja Tios mnimä'kxëtëty.

E miitsëty mëti'ipës n'aaw n'ayuk myëtoow'ijtëpën, tsoktë ja mmëtsip, putëkëtë mëti'ipë mkatsojkëtëpën. Amëtowtë Tios ets tkënu'kxëty mëti'ipë mkajpxpojkëtëpën, tuknija'amyätsëtë Tios mëti'ipë oywyi'ixjaty mtuunëtëp mnëmaayëtëpën.

Ijxtëm miits xytsyoktën ets ja ja'ay winë tunëty, näjyëtu'un miits winë tuntë.

Ko pën m'apojtsë'ëkëtëty, jaaktimmo'o ja tu'k'atu'um, wä'än mjaaktimy'apojtsë'ëkyë; ko pën yë mnëxuy mpëjkëtëty, jaaktimmo'o yë mnijän. Pën tii m'amëtoowëp, mo'o; ko ja'ay tii mpëjkëtëty, këtii jatëkok xy'amëtowëty.

Ma ja kepy ja oypyën, ka'ap ja tyëëm ëxëëk pyëtsimy; ëkë ja ka'apë y'oykyepëtyën, nimaa ja tyëëm kyapëtsemy oy.

Ja tyëëm yajtuk'ijxkajp pën oy ëkë ëxëëk ja kepy: Ka'ap ja xe'enky tsya'am yajtuky ma ja äpny kepyën; ets ka'ap ja tsatsymtsya'am jam yajtuky ma ja tsëmu'un kepyën.