Popular Bible Verses from Génesis 11

Share

Tääts myääy tyäjy: Yë naax kajpn tu'ukyë nyäyaj'itëtë ets tu'ukyë yë aaw ayuk mëti'ipë kyajpxtëpën. Paaty të tyajtso'onta'aktë ya'atë tuunk. Tyam nitii jotmay tkamëët'atë ets t'ëxmatstëty mëti'ipë tëë tnipëjktaakëtën. Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

Ënät nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Ma tääpë ja it naaxwiinyëtën ojts ja Tios tyajtëkajtsta'ay ja aaw ayuk mëti'ipë ënäty ja ja'ay naaxwiinyëtë apëtsëmy kyajpxtëpën ets ye'eywya'kxtaaytyë. E paatykyëjxm ojts tampë ja kajpn xyëëpety Babel.

Ko jyeky'äjty tu'ukyë ijty ja aaw ayuk mëti'ipë ja naaxwiinyëtë ja'ay kyajpxtëpën.

Ënät ojts ja Wintsën tniku'ijxnaxy ja naax kajpn ets ja mëjpotsy mëti'ipë ënäty ja naaxwiinyëtë ja'ay ëka'any kyojtso'ontaktëpën.

Jëtu'un'äämpy ojts yë Tios tyajye'eywya'kxta'ay ja ja'ay naaxwiinyëtë apëtsëmy ets ojts t'ëxmajtsnëtë ja kajpn mëti'ipë ënäty të tkojtsoontën.