Popular Bible Verses from San Lucas 22

Share

Inʉm: —Padre, te inwamp, majyiyac pa tʉgatunas̈ ayʉ̱́j prueba tʉs̈mijnapay, po caje' as̈am ʉ̱ tʉs̈wa'n, wat as̈am mi̱ is̈wa'n.

Po tʉnyo'jtaway Dios pa mi̱ pigadesmaya̱t incupʉc, mit intsʉ̱nawa'n más mʉgʉc mit Dios, inmajyigʉs̈áj inhermanujat.

Mit ipʉc ma̱s̈anʉ̱n, inʉjmau Dios ni'ctiyu̱s̈, i-emgada̱c mit imoygʉs̈, inʉm: —Ayʉ̱́j as̈am tʉncuerpu jeme tʉnyagámpay pa mijchat. Inwatcáj we'n pa is̈nijawigáj.

Icʉ́s̈caj u̱cma̱pay, ipʉc tu'c vasu vinu mit inʉm: —Ayʉ̱́j as̈am tʉnyipin pa ma it tu'c nam acuerdu, mit tʉnyipin pujʉ'gáj pa jayajwat ma tsʉ̱nga perdona̱tic nu'pʉjʉn mal iwatcaway.

Mit iguitunas̈, je' ora̱t más mʉgʉc mit i-os̈os̈ as̈am nipin tsun may na̱s̈ni'c.

Po cajatáj we'n mit mijchat, ni'c jeme tsʉ̱napay más mʉjninʉmic mam mijchat, ma tan as̈am más menusway, mit jeme tanámpay jefe, itp ti je' iservia̱twa'n.

Mit Jesús inʉjmau: —Pedro, tʉnʉjmap ni'c jinap antes i-ʉwa'n ca̱yuna', tu̱gup viaje is̈nʉmwa'n ni'c ʉ̱ is̈ca-is̈cap.