Popular Bible Verses from Marcos 6

Share

Jesús tsi' su'beyob: —Conla ti lac bajñelil ti jochol bʌ lum cha'añ mi la' ts'ita' c'aj la' woj, come añ ca'bʌl wiñicob x'ixicob woli c'otelob, yaño' bʌ woli sujtelob. Come ma'añic tsi' tajbeyob i yorajlel cha'añ mi' c'uxob i waj.

Pero Jesús tsi' su'beyob: —Ma'añic x'alt'añ mu' bʌ q'uejlel ti ñuc ti' lumal yic'ot ti' tojlel i pi'ʌlob yic'ot jiñi año' bʌ ti yotot, —che'en.

Che' bʌ tsa' loq'ui ti barco Jesús, tsi' q'uele bajc'ʌl wiñicob x'ixicob, tsi' p'untayob come lajalob bajche' tʌñʌme' mach bʌ añic xcʌntaya i cha'añob. Añ ca'bʌl chuqui tsa' caji i cʌntesañob.

Ma'añic tsa' mejli i pʌs ñuc bʌ i melbal ya'i, tsa' jach i yʌc'ʌ i c'ʌb ti cha'tiquil uxtiquil xc'am-ʌjelob, tsi' c'oq'uesayob. Ch'ijiyem i pusic'al Jesús come ma'añic tsi' ñopoyob. Tsa' ñumi majlel ti tejclum tac ti cʌntesa.

Jesús tsi' ch'ʌmʌ jiñi jo'q'uejl waj yic'ot cha'cojt chʌy, che' tsi' letsa i wut ti panchan tsi' cha'le oración, tsi' xet'e jiñi waj, tsi' yʌq'ue xcʌnt'añob i cha'añ, cha'añ mi' pucbeñob wiñicob x'ixicob, che' ja'el jiñi cha'cojt chʌy tsa' pucbentiyob ti' pejtelel. Ti pejtelelob tsi' c'uxuyob, tsa' ñaj-ayob. Tsi' lotoyob lajchʌmp'ejl chiquib but'ul ti' colojbal waj yic'ot chʌy.