Popular Bible Verses from Mateo 21

Share

Mi mux la' ñop mi caj la' wʌq'uentel pejtelel chuqui tac mi la' c'ajtin ti oración, —che'en Jesús.

Jesús tsi' jac'beyob: —Isujm mic su'beñetla, mi mux la' ñop, mi ma'añic tilebixel bʌ la' pusic'al, mach cojic jach mi caj la' mel che' bajche' tsa' c melbe jiñi higuera te'. Mi tsa' caji la' su'ben jiñi wits: Loq'uen, ochen ti mar, che'ʌch mi' caj i yujtel.

Jiñi wiñicob x'ixicob woli bʌ i majlelob ti ñaxan yic'ot jiñi woli bʌ i tilelob ti' pat, c'am tsi' yʌlʌyob: ¡Coltañon lojon i Yalobilet bʌ David! ¡La' sujbic a ñuclel, jatet mu' bʌ a tilel ti' c'aba' lac Yum! ¡Coltañon lojon añet bʌ ti chañ!

Jesús tsi' su'beyob: Ts'ijbubil ti juñ, “Mi' caj ti ajlel cotot ti' yotlel oración”, pero jatetla wolix la' sutq'uin ti' ch'eñal xujch', che'en.

“Su'benla i yalobilob jiñi año' bʌ ti Sión: La' Rey woli' tilel ba'añetla, jiñi uts bʌ, c'ʌchʌl ti burro woli' tilel, c'ʌchʌl ti' yal burro yujil bʌ cuchijel”, che'en.

Jesús tsi' c'ajtibeyob: —¿Mach ba añic tsa' la' q'uele jiñi t'añ ti' Ts'ijbujel Dios: “Jiñi xajlel tsa' bʌ i chocoyob xmel otot tsa' otsʌnti ti ñaxan bʌ i xujc otot. I melbalʌch lac Yum iliyi. Uts'atax mi laj q'uel?” Che'en Jesús.

Jiñi cha'añ mic su'beñetla mi caj la' chilbentel i yumʌntel Dios, mi caj i yʌq'ueñtelob jiñi wiñicob x'ixicob mu' bʌ i yʌc'ob wen bʌ i wut.