Popular Bible Verses from Lucas 5

Share

Che' bʌ tsa' ujti ti t'añ, Jesús tsi' su'be Simón: —Ñijcan majlel jiñi barco ba' tam jiñi mar, chocola ochel la chimo' chʌy, —che'en.

Simón tsi' jac'ʌ: —Maestro, tsa'ix c cha'le lojon e'tel ti pejtelel ac'ʌlel. Ma'añic chuqui tsa' c chucu lojon. Pero cha'añ ti a t'añ mic choc ochel chimo' chʌy, —che'en. Che' bʌ tsi' yotsayob i chimo' chʌy tsi' chucuyob ca'bʌl chʌy, jiñi chimo' chʌy tsa' caji ti ts'ojquel.

Pero Jesús tsi' tʌts'ʌ i bʌ cha'añ tsa' majli ti jochol tac bʌ lum cha'añ mi' pejcan Dios.

Ma'añic tsa' tili c pʌy jiñi tojo' bʌ, jiñi jach xmulilob, cha'añ mi' cʌyob i mul, che'en.

Che' bʌ tsi' q'uele Simón Pedro, tsi' ñocchoco i bʌ ba'añ Jesús. Tsi' su'be: —Loq'uen tic tojlel c Yum, come xmulilon, —che'en.

Jesús tsi' jac'beyob: —Jiñi c'oc'o' bʌ mach yomobic ts'ʌcʌntel, cojach jiñi c'amo' bʌ.

Che' bʌ tsa' ujti i ñijcañob majlel barco tac ti ti' mar, jiñi xchuc chʌyob tsi' cʌyʌyob pejtelel i chu'bʌañ, tsi' tsajcayob majlel Jesús.

Che' ya'añ Jesús ti jump'ejl tejclum, tsa' tili wiñic wen ca'bʌl bʌ leco bʌ i tsoy. Che' bʌ tsi' q'uele Jesús, tsi' pʌcchoco i bʌ ti lum, tsi' c'ajtibe ti wocol t'añ: —C Yum, mi awom mi mejlel a c'oq'uesañon, —che'en. Jesús tsi' sʌts'ʌ i c'ʌb, tsi' tʌlʌ, tsi' yʌlʌ: —Com cu. La' lajmiquet. Ti jiñi jach bʌ ora, tsa' lajmi leco bʌ i tsoy.

Ñumen ca'bʌl tsa' pujqui t'añ cha'añ ñuc bʌ i melbal Jesús. Tsi' tempayob i bʌ ca'bʌl wiñicob x'ixicob cha'añ mi' ñʌch'tʌbeñob i t'añ Jesús yic'ot cha'añ mi' lajmelob ti pejtelel i c'am-ʌjel.