Popular Bible Verses from Lucas 11

Share

Jatetla jontolet bʌ la, la' wujil i yʌq'uentel la' walobil chuqui uts'at. La' Tat am bʌ ti panchan, ¿mach ba ñumen yujilic i yʌq'ueñob jiñi Ch'ujul bʌ Espíritu jiñi mu' bʌ i c'ajtibeñob?

Joñon mic su'beñetla: C'ajtinla, mi caj la' wʌq'uentel. Sajcanla, mi caj la' taj. Pejcanla i yum otot, mi caj la' jambentel.

Come jujuntiquil mu' bʌ i c'ajtin mi' yʌq'uentel. Jiñi mu' bʌ i sajcan mi' taj. Jiñi mu' bʌ i pejcan i yum otot mi caj i jambentel.

Jesús tsi' su'beyob: —Che' mi la' pejcan Dios, yom mi la' wʌl: “C Tat lojon añet bʌ ti panchan, la' ch'ujutesʌntic a c'aba', la' tilic a yumʌntel, la' mejlic chuqui awom ti pañimil che' bajche' ti panchan.

Ñusʌbeñon lojon c mul che' bajche' mic ñusʌbeñob i mul c pi'ʌlob lojon. Mach ma' wʌc'on lojon ba' mic pʌjyel lojon ti mulil. [Cʌntañon lojon ame yajlicon lojon ti jontolil”.

Aq'ueñon lojon c waj cha'añ ili q'uiñ.

Jiñi a wut lámparajʌch cha'añ a bʌc'tal, mi weñʌch a wut ma' wen q'uel i sʌclel pañimil, pero mi mach weñic a wut añet ti ac'ʌlel.

Ma'añic majqui mi' muc candil che' tsuc'bilix, ma'añic mi' ñup' ti chiquib, pero mi' joc'chocon ti' joc'lib cha'añ mi' pʌsbeñob i c'ʌc'al jiñi mu' bʌ i yochelob.