Popular Bible Verses from MAREKO 9

Share

Iesu ia gwau, “Dahaka dainai oi gwau, ‘Bema oi karaia diba?’ Abidadama tauna ese gau ibounai ia karaia diba.”

Bona karaharaga momokani mero ena tamana be ia boiboi, ia noia, “Lau abidadama henia, lauegu abidadama maragimaragi mani oi durua.”

Ruma lalonai Iesu ia raka vareai neganai, iena diba tahua taudia ese idia nanadaia, idia gwau, “Badina dahaka aiemai lulua siahu be hegeregere lasi?” Idia dekenai Iesu ia gwau, “Inai bamona gauna lulua dala ta be lasi, guriguri sibona mo be hegeregere.”

Damena be gau namona, to bema damena be mamina lasi, edena bamona ena mamina oi abia lou? Umui emui lalona dekenai damena ena mamina namona umui abia, bona maino dekenai umui noho hebou.”

“Daika ese natuna maragi inai bamona ia abia dae lauegu ladana dainai, be lau danu ia abia dae. Bema tau ta ese lau ia abia dae, lau sibona ia abia dae lasi, to lau ia siaia Dirava danu ia abia dae.”

Daika ese ranu sisina ia henia umui dekenai lau dainai, badina umui be Keriso ena, momokani lau hamaoroa umui, unai tau ese davana namona do ia halusia lasi.

“Bema tau ta ese, lau dekenai ia abidadama henia mero maragina ta ia hakererea, unai tau ena aiona dekenai nadi badana idia kwatua, bona unai tau idia negea diho davara dekenai be ia namo.

Bema oiemu matana ese kara dika ia karaia, oi kokia, namo oi be matana tamona tauna, bona oi vareai lao Dirava ena Basileia dekenai. Badina ia namo lasi oiemu matana rua idia noho, to oi vareai lao hel dekenai.