Popular Bible Verses from MATAIO 8

Share

Iesu ese ia gwau henidia, ia gwau, “Dahaka dainai umui gari, abidadama maragimaragi taudia?” Vadaeni ia toreisi, lai bona hurehure dekenai ia hereva goada. Vadaeni lai ia doko, bona hurehure idia diho, ia ore momokani.

To tuari lohia tauna ia haere, ia gwau, “Lohiabada e, lau be namo lasi, vadaeni lauegu ruma dekenai do oi daekau lasi. Mani oi hereva sibona, vadaeni egu hesiai tauna do ia namo lou.

Iesu ese unai hereva ia kamonai, vadaeni ia hoa dikadika. Vadaeni iena murinai raka taudia ia hamaorodia, ia gwau, “Umui lau hamaoroa momokani, abidadama inai bamona be Israela dekenai lau davaria lasi, lasi bona lasi momokani.

Vadaeni Iesu ese tuari lohia tauna ia hamaoroa, ia gwau, “Oi lao, oiemu abidadama hegeregerena do oi abia.” Unai nega korikori lalonai unai lohia ena hesiai tauna ia namo.

Vadaeni idia be idia hoa, idia gwau, “Inai tau be edena bamona? Be, lai bona hurehure ese iena hereva idia kamonai noho!”