Popular Bible Verses from MATAIO 10

Share

“Lau ese lau siaia umui, mamoe, uda sisia edia huanai bamona. Unai dainai, do umui aonega, gaigai bamona, bona do umui dagedage lasi, pune manu bamona.

Iena mauri ia dogoatao tauna ese iena mauri do ia halusia, to lau dainai iena mauri ia halusia tauna ese iena mauri do ia davaria.

Tauanina be do idia alaia diba, to lauma be do idia alaia diba lasi taudia dekenai do umui gari lasi. To lauma bona tauanina ruaosi lahi ia araia gabuna dekenai do ia alaia mase diba Diravana dekenai be do umui gari, be namo.

Bona bema tau ta ese iena satauro do ia abia isi lasi, lauegu murina dekenai do ia raka lasi, ia be lau dekenai do ia hegeregere lasi.

“Unai dainai, taunimanima edia vairana dekenai lau do ia gwauraia hedinarai tauna be lau ese egu Tamana, guba dekenai ia noho, ena vairana dekenai, ia do lau gwauraia hedinarai. To taunimanima edia vairana dekenai lau do ia gwauraia hedinarai lasi tauna be lauegu Tamana, guba dekenai ia noho, ena vairana dekenai, ia do lau gwauraia hedinarai lasi.

Gorere taudia do umui hanamoa, mase taudia do umui hatorea isi, lepera taudia do umui hagoevaia, lauma dikadia do umui lulua murimuri dekenai. Gau momo umui abia vadaeni, davana lasi. Unai dainai gau momo do umui henia, davana lasi.

Do umui gari lasi, badina umui ese manu maragi momo umui hereaia.

“Umui emui lalona dekenai umui gwau lasi, maino lau mailaia tanobada dekenai totona lau mai. Maino lau mailaia lasi, to tuari kaia sibona.