Popular Bible Verses from MATAIO 1

Share

Ia be mero ta do ia abia. Ena ladana be do umui atoa Iesu, badina be ia ese iena bese taudia edia kara dika dekena amo do ia hamauridia.”

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

Unai bamona ia laloa noho neganai, Lohiabada ena aneru ta ese nihi dekenai ia hedinarai henia, ia gwau, “Iosepa Davida e, oiemu adavana Maria abia totona oi gari lasi, badina be inai mero, Maria ena bogana dekenai ia noho be, Lauma Helaga ese ia henia vadaeni.

Iesu Keriso be inai bamona ia vara. Iena sinana Maria be Iosepa ena maoheni, to idia ruaosi nega ta do idia mahuta hebou lasi, Lauma Helaga ese Maria ia harogorogoa. Maria ena maoheni Iosepa be kara maoromaoro tauna, bona hahine dekenai hemarai henia karana ia ura lasi, unai dainai hunia dala dekenai ia negea gwauraia.