Popular Bible Verses from LUKA 9

Share

Iesu ese idia ibounai dekenai ia hereva henia, ia gwau, “Tau ta bema ia ura lauegu murina dekenai do ia mai, ia ese sibona dekenai do ia laloa lasi, dina ibounai iena satauro do ia abia isi, lauegu murina dekenai do ia raka.

Badina be iena mauri ia dogoatao tauna, be iena mauri do ia abia lasi, to lau totona iena mauri do ia negea tauna, be iena mauri do ia abia.

To Iesu ia gwau, “Tau ta ese tano makohia gauna iena imana dekenai bema ia dogoatao vadaeni, to iena matana do ia negea murina kahana dekenai, ia be Dirava ena Basileia do ia abia diba lasi.”

Tau ta tanobada ibounai do ia abia, to sibona ena mauri do ia halusia, iena namo be dahaka?

Tau ta ese bema lau totona, o egu hereva totona do ia hemarai, Taunimanima ena Natuna ese ia totona do ia hemarai, ia be iena hairaina dekenai, bona iena Tamana ena hairaina dekenai, bona aneru helagadia edia hairaina dekenai do ia mai neganai.

To Iesu ia gwau, “Uda sisia be mai edia nadi matuna, bona ataiai manu be mai edia ruma, to Taunimanima ena Natuna be iena kwarana atoa gabuna lasi.”

Vadaeni ia hamaoroa idia dekenai, ia gwau, “Lauegu ladana dainai, inai mero maragi ia abia dae tauna ese lau danu ia abia dae. Bona lau ia abia dae tauna ese lau ia siaia Diravana danu ia abia dae. Badina be umui emui huana dekenai ia maragi momokani tauna, ia be badana.”