Popular Bible Verses from LUKA 3

Share

Taunimanima ibounai Ioane ese ia bapatiso henia neganai, Iesu danu ia bapatiso henia. Vadaeni ia guriguri noho neganai, guba ia kehoa. Bona Lauma Helaga ia diho, pune manu bamona, Iesu ena kwarana dekenai ia kamokau. Bona gado ta guba dekena amo ia boiboi diho, ia gwau, “Oi be lauegu Natuna, lauegu lalokau, lau be lau moale oi dekenai.”

Vadaeni ia ese ibounai dekenai ia hereva henia, ia gwau, “Lau be ranu dekena amo umui lau bapatiso henia. To tau ta be ia mai noho, iena siahu ese egu siahu ia hanaia, lau be namo lasi iena tamaka varona do lau ruhaia. Inai tau ese Lauma Helaga bona lahi dekenai umui do ia bapatiso henia.

Umui emui lalona umui giroa, bona lalona giroa ena anina korikori do umui hedinaraia. Bona inai bamona do umui hereva lasi, ‘Aberahamo be aiemai tamana.’ Badina be umui dekenai lau hamaoroa, Dirava be inai nadi dekena amo natuna do ia havaraia diba Aberahamo ena.

Ira be idia atoa hegaegae vadaeni, bona huahua namona idia havaraia lasi gaudia be do idia utua momokani, bona lahi dekenai do idia negea daekau.”

Isaia, peroveta tauna, ena buka dekenai ia torea hegeregerena, ia gwau: “Gado ta taunimanima idia noho lasi tano dekenai ia boiboi, ia gwau, ‘Lohiabada ena dala do umui karaia hegaegae. Iena dala umui hamaoromaoroa. Koura gabudia ibounai be do idia hahonua, ororo maragidia bona ororo badadia ibounai be palaka do idia halaoa. Dala gagevadia ibounai be do idia hamaoromaoroa, bona gudu isi tanodia be do idia hamanadaia. Vadaeni, taunimanima ibounai ese Dirava ena hamauria kara do idia itaia.’ ”