Popular Bible Verses from LUKA 23

Share

Vadaeni Iesu ia guriguri, ia gwau, “Egu Tamana e, inai taudia edia dika mani oi gwauatao, badina idia diba lasi dekenai inai bamona idia karaia noho.” Vadaeni iena dabua idia haria karaia, laki gadara dekena amo edia ahuna ta ta idia abia.

Iesu ia gwau, “Momokani lau hamaoroa oi dekenai, hari dina ita ruaosi Paradaiso dekenai do ita ginidae.”

Vadaeni ia gwau, “Iesu e, oiemu Basileia do oi abia neganai, do oi laloa lau!”

Vadaeni Iesu ia boiboi, ia gwau, “Egu Tamana e, egu lauma be oiemu imana dekenai lau atoa inai.” Unai bamona ia hereva, vadaeni ia mase.

Gabu ta dekenai idia ginidae, ena ladana be Kwara Koukouna. Unuseni Iesu idia hasatauroa. Inai dika karaia taudia danu, ta Iesu ena idiba kahana dekenai, ma ta ena lauri kahana dekenai, idia hasatauroa.

Unai be dina tubua neganai, vadaeni unai nega dekena amo ia lao adorahi neganai, tano ibounai ia dibura. Dibura ese dina ia koua, vadaeni Dubu Helaga ena iduara koua dabua helagana badana be huana dekena amo sibona ia darea kahana rua.

Tuari biaguna ese unai kara ia itaia, vadaeni ia ese Dirava ia hanamoa, ia gwau, “Inai tau be kara maoromaoro tauna!”